Сунтаар сэлиэнньэтин № 11 «Кыталык» оҕо сайдар киинигэр оскуола иннинээҕи үөрэхтээһин хаачыстыбатын үрдэтиигэ анаммыт былаһаакка тэрилиннэ. Үөрэх салалтатын оскуола инниинээҕи отделын салайааччыта Михайлова М.В. сыллааҕы былааҥҥа уонна үөрэх хаачыстыбатын тупсарыыга туһаайыллыбыт дакылаатын билиһиннэрдэ. Ону сэргэ Н.М. Родионова аатынан оҕо сайдар киинин дириэктэрэ Антонова А.В. эбии үөрэхтээһин педагогтарын кытары социальнай сакааһы уонна кини эбии үөрэхтээһини сайыннарыыга сабыдыалы дьүүллэстилэр.
Маны таһынан, Сунтаар улууһун оҕо спортивнай оскуолатын салайааччыта Владимир Данилов физкультура, ОБЗР учууталларыгар уонна тренердэргэ аналлаах былаһаакканы үлэлэттэ. Манна үөрэнээччилэр спартакиадаларын түмүктэрин дьүүллэстилэр, инники былааннара түөрилиннилэр. Ону таһынан «Основы безопасности и защиты родины» саҥа үөрэх предметин кэнсиэпсийэтин билистилэр. Сүбэ мунньах чэрчитинэн үөрэҕирии музейыгар көлүөнэлэр көрсүһүүлэрэ ыытылынна. Манна үөрэх бэтэрээннэрэ эдэр педагогтары кытта көрүстүлэр, уопут атастылар. Бэтэрээннэр баай уоппуттарын, үөрэх үгэстэрин уонна историятын эдэр учууталларга анаан бэристилэр. Маннык көрсүһүүлэр көлүөнэлэр икки ардыларыгар сыаналаах билиини, уопуту хаалларарга көмөлөһөллөр.
