Бүгүн Сунтаар улууһугар «Делопроизводство в образовательных организациях» диэн актуальнай тиэмэҕэ семинар-практикум буолла. Тэрээһин үөрэх тэрилтэлэрин эдэр салайааччыларын уонна делопроизводствоҕа эппиэттээх исписэлиистэри түмтэ. Манна барыта 58 киһи кыттыыны ылла. Сэминээр үөрэх тэрилтэлэригэр докумуоннары тэрийэн ыытыы, ону тэҥэ докумуоннары кытта үлэҕэ алҕастары көрүүгэ-истиигэ ананна.
Үөрэх салалтатын кадрынан хааччыйыы отделын сэбиэдиссэйэ Егорова Е. В. үөрэх тэрилтэлэригэр делопроизводствоны тэрийии сүрүн принциптэрин сырдатан, докумуоннары салайыы дьоһуннаах ньымаларын сиһилии ырытан дакылаат оҥордо. Үөрэх салалтатын исписэлииһэ Попова М. Е. архыып дьыалатын, номенклатураны киллэрии быраабылаларын уонна электроннай докумуон биир эргиирин ситимин кытта сиһилии билиһиннэрдэ. Сүрүн оҥоһуллар алҕастары ырытан, ону суох гынарга туһалаах рекомендациялары биэрдэ.
Семинар чэрчитинэн кыттааччылар үөрэх тэрилтэлэрин салайааччыларын үлэтин тутулугар ирдэбиллэри тутуһууга аспектарын көрдүлэр. Дьарыктаах буолуу киинин сүрүннүүр инспектордара салайар уонна педагогическай үлэһиттэр базаларын оҥорууга алҕастары чинчийэргэ уонна тэрилтэлэри кытта “Работа в России” биир кэлим диспетчерскэй платформаҕа регистрациялааһын ньымаларын сырдаттылар.
Семинар-практикум эдэр салайааччыларга уонна специалистарга улахан суолталаах тэрээһин буолла. Кыттааччыларга билиини-көрүүнү дириҥэтэргэ, делопроизводствоны тэрийии уустук боппуруостарын быһаарарга уонна алҕастары куоттарарга көмөлөстө. Салайааччылар ортолоругар уопут атастаһыытын уонна сибээһи олохтуур былаһаакка буолла.
