Сунтаар нэһилиэгэр ФСБ сотруднига Николай Иванов профориентационнай хайысхалаах лекция аахта. Сунтаардааҕы 2-с, 3-с нүөмэрдээх оскуолалар уонна Сунтаардааҕы гимназия 9-11 кылаас үөрэнээччилэрин кытта көрүстэ.
Лекцияҕа сылдьан үөрэнээччилэр кандидаттарга сүрүн ирдэбиллэри, талан ылыы уонна тус хайысханан үөрэтии процедуратын билистилэр. Оскуола оҕолоро лекциялары сэргээн иһиттилэр, университетка киирии, практика барыытын уо. д.а. тустаах боппуруостары биэрдилэр. Ону тэҥэ Николай Иванов үөрэнээччилэргэ ФСБ сулууспатын үлэтин, профессиональнай сайдыы кыахтарын туһунан сырдатта.
Көрсүһүү сылаас эйгэгэ ааста, үгүс оскуола оҕолоро М. К. Аммосов аатынан ХИФУ-ка тус интэриэстэрин биллэрдилэр. Маннык дьаһаллары ыытыы – профориентационнай үлэҕэ улахан хардыы буолар.
