Быйыл Сунтаарга С.А. Зверев – Кыыл Уола 125 сылын көрсө Сунтаар улууһун аҕа баһылыга Анатолий Григорьев улууспут оскуолаларыгар хас нэдиэлэ аайы оһуохайдыыр туһунан саҥа уураах таһаарда.
Оһуохай саха омугун тыынын көрдөрөр биир ураты үҥкүүбүт буолар. Сэтинньи 5-с күнүттэн саҕалаан үгэс быһыытынан хас оптуорунньук аайы Сунтаар оскуолаларыгар оҕо-аймах күнү батыһа хамсаныылаах саха төрүт дорҕоонноро дуорайыахтара. Бу саха тылын үйэтитэргэ биир төһүү күүс буолар.
