Санатан эттэххэ, оскуолаларга тырааныспары санардыы Россия президена Владимир Путин дьаһалынан федеральнай өйөбүлүнэн ыытыллар.
Ол курдук, Туойдаах орто оскуолата саҥа тиэхиньикэнэн хааччылынна. Күлүүһү улуус бэрэстэбиитэлэ Семен Глухарев тутта. Саҥа оптуобус аныгы ирдэбиллэргэ толору эппиэттиир. Билигин үөрэнээччилэр араас таһымнаах куоҥкурустарга, күрэхтэһиилэргэ кытта баралларыгар табыгастаах усулуобуйа тэрилиннэ.
Бу биир үөрүүлээх түгэнинэн оскуола кэллэктиибин, дириэктэри эҕэрдэлиибит. Саҥа тиэхиньикэ биһиги оҕолорбут хаачыстыбалаах үөрэҕи ылалларын туһугар сулууспалыа диэн эрэнэбит.
