Сэтинньи ый 19 күнүгэр Сунтаар улууһун Дьаархан нэһилиэгэр — «Дьулуур» спортманеһыгар Сунтаар улууһун үөрэнээччилэрин ортолоругар саха төрүт оҕунан ытыыга «Байанай бэлэҕэ» күөн күрэс күүрээннээхтик ыытылынна.
Россияҕа — Дьиэ кэргэн, Саха сиригэр — Оҕо саас сылларыгар анаммыт күрэхпит Бүлүчээнтэн, Куокунуттан, Сунтаартан уонна Дьаархантан 17 кыраҕы харахтаах Ох сааннан ытааччылары муста, ону таһынан Сунтаар улууһугар аан маҥнайгытын ыытыллар саха төрүт оҕунан ытыыга — дьиэ кэргэнинэн ытыы күрэҕэр кэлбит оҕо, ийэ уонна аҕа састааптаах хамаанда кыттааччылара 1 ыал Петровтар Куокунуттан уонна 4 ыал Ивановтар, Семеновтар, Семеновтар уонна Павловтар бары Дьаархаттар буоланнар илин кэлин түсүһэрдии Ох курдук оҥостон, кустук курдук куоһанан, сайгыччы сахалыы таҥнан кэлбиттэр. Күрэхпит таһымын — Сунтаартан Нелли Лукина, оҕунан ытыыга 2с спортивнай разрядтаах улууспут киэн туттар охчута кэлэн кыттыыны ылбыта буолла.
Күрэхпит үөрүүлээх аһыллыытыгар саха сирин охчуттарын гимнэ буолбут Сунтаар улууһун киэн туттар киһитэ В.В. Коротов «Саха охчута» ырыата тыаһаата, Дьаархан нэһилиэгин баһылыга Петр Тимофеев кэлбит охчуттары эҕэрдэлээн туран, ким бэлэмнээх ол кыайдын диэн баҕа санаатын эттэ. Оскуолабыт директора Николай Охлопков саха төрүт оҕунан өссө күүскэ дьарыктаналларыгар баҕарда уонна оскуола оҕолоро төрүт оҕунан ытыынан дьарыктаналларыгар анаан сөптөөх спортинвентары ылан эрэбит диэтэ.
Күрэх тэрийээччитэ оскуола физическэй культураҕа учуутала, оҕунан ытыы тириэнэрэ П.Р. Кырелов кылгастык күрэх хаамыытын билиһиннэрдэ.
Оҕолор үс бөлөххө арахсан ыттылар. Бастакы бөлөх: 13 саастарыгар диэри уонна 18 саастарыгар диэри уол, кыыс диэн ыттылар.
1м Айта Глухарева (Бүлүчээн)
2м Айталыына Семенова (Дьаархан)
3м Проня Сергеев (Дьаархан), оҕолор бастакы мэтээллэрин түөстэригэр киэптии кэтэн олус үөрдүлэр, долгуйдулар.
Иккис бөлөххө (кыргыттар)
1м Нелли Лукина (Сунтаар)
2м Айыына Семенова (Дьаархан)
3м Айгыына Павлова (Дьаархан).
Кыргыттарга бастыҥ көрдөрүүлээх Нелли Лукина оскуолабыт директора Николай Николаевич туруорбут анал бирииһин тутан үөрүүтэ үксээтэ.
Үһүс бөлөххө (уолаттар)
1м Вадим Пахомов (Дьаархан)
2м Кэскил Иванов (Дьаархан)
3м Арылхан Кириллин (Дьаархан) иннилэрин кимиэхэ да биэрбэтилэр. Уолаттарга бастыҥ көрдөрүүлээх Вадим Пахомов — Павел Револьевич туруорбут анал бирииһин тутан үөрдэ.
Оҕолор ытыыларын кэннэ кэтэһиилээх — Дьиэ кэргэнинэн хамаанданан ытыы буолла. Ыалларбыт сэрэбиэй быһыытынан киирэн 5-тии ытыыны ыттылар.
Ыалларга ыалдьааччылар элбэхтэр, бэл харчыга уксуу кытары тэриллиннэ, инньэ гынан кыттааччыларга эппиэтинэс икки бүк улаатта.
Түмүккэ:
1м Айгыына, Екатерина,Арсен Павловтар 12 очукуолаах таҕыстылар (Дьаархан нэһилиэгэ)
2м Айыына, Мария, Игнат Семеновтар 10 очукуолаах таҕыстылар (Дьаархан нэһилиэгэ)
3м Кэскил, Татьяна, Геннадий Ивановтар 4 очукуолаах тахсан бириистээх миэстэни (Дьаархан нэһилиэгэ) ыллылар.
4м Анжелина, Наталья, Алексей Петровтар (Куокуну нэһилиэгэ).
5м Күндүлээнэ, Анна, Прокопий Семеновтар (Дьаархан нэһилиэгэ).
Кыттыбыт ыалларбыт бары Сунтаар улууһун баһылыгын имджевэй бэлиитикэтикэҕэ солбуйааччы Альберт Иванов туруорбут сыаналаах бириистэрин тутаннар үөрүүлэрэ үксээтэ, ону таһынан үлэлиир тэрилтэлэрэ, дьонноро туруорбут анал бириистэрин эбии тутаннар күрэх үөрүүтүн биллилэр.
Ыалларбытын наҕараадалааһын кэннэ тутанына үгэс буолбут — күрэх муҥутуур кыайыылааҕын быһаарар ытыылар буоллулар. Бу манна барыта 14 кыттааччы суруйтаран усунуос төлөөн кытыннылар. Бииртэн биир сыыһа ыппыт күрэхтэһээччи көрөөччүгэ кубулуйан истэ, түмүккэ Күндүлээнэ Маркова уонна Вадим Пахомов хааллылар. Бастакы ытыыларыгар тииҥнэрин иккиэн сыыстылар, онтон иккис ытыыга Вадим таба ытан бүгүҥҥү Күрэспит муҥутуур кыайыылааҕа үрдүк ааты сүгэн харчыннан, түөскэ кэтэр олус астык оҥоһуулаах мэтээли сэргэ туоһу суругунан наҕараадаланна.
Күрэхпит ити курдук түмүктэннэ, кыттааччылар аны хаһан күрэх буоларый диэбитинэн тарҕастылар. > Сунтаар улууhун уерэ5ин салалтата: Түгэнинэн туһанан Сунтаар улууһун баһылыгын имиджевай бэлиитикэҕэ солбуйааччы Альберт Ивановка, Сунтаар улууһун саха төрүт оҕунан ытыы федерациятын салайааччыта Артем Яковлевка, улууспут тириэнэрдэригэр Ньургуйаана Петроваҕа, Наталья Федороваҕа уонна судействоҕа, секретариатка кэлэн үлэлэспит Ньургун Пахомовка, Алена Новгородоваҕа, Дьаархан нэһилиэгин баһылыгар Петр Тимофеевка бу Күрэхпит үрдүк таһымҥа ааһарыгар күүс-көмө буолбуккутугар барҕа махтал тылларын этэбит.
Дьаархан орто үөрэхтээһин оскуолатын салалтата (директор Н.Н.Охлопков), күрэҕи тэрийээччи П.Р. Кырелов.
