Сунтаар улууһун үөрэҕин управлениетын сыллааҕы үлэтин былаанын чэрчитинэн ахсынньы 3 күнүгэр Сиэйэ орто оскуолатыгар РСФСР уонна Саха АССР үтүөлээх учуутала М.Н. Анисимов 130 сааһыгар аналлаах «Анисимовскай ааҕыылар» улуустааҕы научнай-практическай конференция үрдүк таһымҥа ыытылынна. Уопсайа 83 кыттааччылар Бордон, Сунтаар, Уустуйа, Күндэйэ, Элгээйи, Күүкэй, Кутана, Түбэй, Түбэй-Дьаархан, Хадан, Сиэйэ нэһилиэктэрин үөрэҕин тэрилтэлэриттэн кыттыыны ыллылар.
Конференция үөрүүлээх аһыллыытыгар эҕэрдэ тылы эттилэр: В.В.Федоров, Сиэйэ орто оскуолатын директора, Т.Б.Семенова,Сунтаар улууһун үөрэҕин управлениетын информационнай-методическай отделын салайааччыта. М.Н.Анисимов хос сиэннэрэ, педагогическай династия салҕааччылара Альбина Анатольевна, Аркадий Анатольевич Архангельскайдар Сиэйэ орто оскуолатын үөрэнээччитигэр А.Федороваҕа грант туттардылар.
«Анисимовскай ааҕыылар» кыайыылаахтарынан буоллулар:1 секцияҕа- А.Игнатьева,Түбэй орто оскуолатын үөрэнээччитэ, 2 секцияҕа- А.О.Саввинова,Күндэйэ орто оскуолатын учуутала, 3 секцияҕа- Л.В.Васильева, Күндэйэ орто оскуолатын учуутала, 4 секцияҕа- Д.В.Данилова, Сиэйэ орто оскуолатын учуутала; маастар-кылаас күрэһигэр Элгээйи орто оскуолатын хамаандата кыайыылаах буоллулар.
1 миэстэни- 5 секцияҕа Сунтаар нэһилиэгин «Ньургуһун» оҕо сайдар киинин иитээччилэрэ Н.А.Алексеева, Т.С.Федорова, 6 секцияҕа Күндэйэ орто оскуолатын учууталларын, А.П.Павлов аатынан Сунтаар №1 орто оскуолатын «Күбэйэ» оҕо уһуйаанын иитээччилэрин уонна Сиэйэ нэһилиэгин «Радуга» оҕо уһуйаанын иитээччилэрин хамаандалара ыллылар.
