Бастаан утаа улуус баһылыга Анатолий Григорьевы кытта көрүстэ. Манна үөрэх хаачыстыбатын тупсарыыга уонна бу эйгэҕэ туох кыһалҕалар баалларын кэпсэттилэр.
Мантан салгыы политехническэй лицей «Ай-Сатаа» технопаркатын үлэтин уонна саҥа тутулла турар эбийиэги уонна технологическай колледж саҥа мастарыскыайын көрүөхтэрэ.
Үөрэҕирии миниистирэ Нюргуна Соколова үөрэх тэрилтэлэрин дириэктэрдэрин, салайааччыларын кытта сүбэ-мунньаҕы тэрийдэ. Манна 2024 сыллааҕы государственнай аттестация түмүктэрин дьүүллэстилэр. Кэлиҥҥи сылларга ОГЭ, ЕГЭ туттарыытын хаачыстыбата мөлтөөбүтүн бэлиэтээтилэр. Оҕолор 9-с кылаас кэнниттэн сатаан аттестат ылбат түгэннэрэ эмиэ баар. Онон үөрэҕи-билиини биэрэр тэрилтэ үлэтин өссө күүһүрдэн, сөптөөх хайысханы тутуһан үлэлиирэ ирдэнэр. Кэлиҥҥи сылларга профильнай математикаҕа, географияҕа, биологияҕа, омук тылыгар экзамен көрдөрүүтэ үрдээбитин, оттон информатика, химия, обществознание предметтэригэр мөлтөөбүтүн иһитиннэрдилэр. Бүгүҥҥү күҥҥэ улуус үрдүнэн 33 үөрэх тэрилтэтэ баар. Ол иһигэр, 6 агро, 5 политехническэй хайсхалаах оскуолалар уонна 1 гимназия үлэлиир.
Бу үөрэх дьылын үрүҥ көмүһүнэн 15, кыһыл көмүһүнэн 9 үөрэнээччи бүтэрэрэ сабаҕаланар.
Сунтаардааҕы политехническэй лицей саҥа эбийиэгэ федеральнай программанан тутулла турар. Үлэ хаамыытын билсэр соруктаах үөрэх миниистирэ Нюргуна Соколова, улуус баһылыга Анатолий Григорьев уонна туһааннаах тэрилтэ салайааччылара тутуу былаһааккатыгар сырыттылар.
@suntaar_ulus
