Ахсынньы 12 күнүгэр А. Иванов аатынан олимпийскай эрэллэри бэлэмниир оҕо анал оскуолатын манеһыгар улуус сүүмэрдиир күрэхтэһиитэ – Сунтаар улууһун үөрэҕин тэрилтэлэрин ортотугар хотугу многоборьеҕа хамаанданан күрэхтэһии бэрт сэргэхтик буолан ааста. Күрэхтэһии оскуола үөрэнээччилэрин комплекснай спартакиадатын чэрчитинэн бу үгэс буолбут спорт көрүҥнэрин тарҕатыыга ыытылынна. Манна уопсайа 51 оҕо кытынна.
Күрэхтэһии сүрүн сыала – Сунтаар улууһун үөрэнээччилэрин хотугу многоборьеҕа угуйуу. Күрэхтэһии үөрүүлээх аһыллыытыгар тэрээһин соруктара этилиннилэр, ону сэргэ кыттааччылары эҕэрдэлээтилэр. Үөрүүлээх чаас кэнниттэн күрэхтэһии саҕаланна – спортсменнар түөрт түһүмэххэ куоталастылар: үс хотугу ыстаныы, палкалаах сүүрүү, аркааны быраҕыы уонна наартаны ойуу.
Уопсай түмүк:
12-13 саастаах кыргыттарга: 1 м. – Иванова Вера, СПТЛ-И, 2 м. – Егорова Августина, Устьинская СОШ, 3 м. – Андреева Эмма, Кюндяинская СОШ.
12-13 саастаах уолаттарга: 1 м. – Тимофеев Тулусхан, СОШ № 2, 2 м. – Константинов Дима, СПТЛ-И, 3 м. – Львов Кирсан, Кюндяинская СОШ.
14-15 саастаах кыргыттарга: 1 м. – Заболоцкая Сара, СПТЛ-И, 2 м. – Дьяконова Лилиана, Кюндяинская СОШ, 3 м. – Григорьева Наталья, Т-Жарханская СОШ.
14-15 саастаах уолаттарга: 1 м. – Саввинов Артем, СПТЛ-И, 2 м. – Федоров Клим – СОШ № 1, 3 м. – Яковлев Денис, Эльгяйская СОШ.
16-17 саастаах кыргыттарга: 1 м. – Иванова Лилия, Эльгяйская СОШ, 2 м. – Ефимова София, СПТЛ-И, 3 м. – Константинова Анжелина, Кюндяинская СОШ.
16-17 саастаах уолаттарга: 1 м. – Прокопьев Дархан, Кюндяинская СОШ, 2 м. – Аввакумов Айхал, Эльгяйская СОШ, 3 м. – Решетников Зафарджон, Тойбохойская СОШ.
Хамаанданан түмүк маннык буолла:
Улахан оскуолаларга: I миэстэ – СПТЛ-И, II миэстэ – Кюндяинская СОШ, III миэстэ – Эльгяйская СОШ.
Орто оскуолаларга: I миэстэ – Илимнирская СОШ, II миэстэ – Т-Жарханская СОШ, III миэстэ – Устьинская СОШ.
Кыайыылаахтар мэтээллэринэн уонна грамотанан наҕараадаланнылар.
⠀⠀ Күрэхтэһии тэрийээччилэригэр уонна бары судьуйаларга барҕа махталбытын биллэрэбит. Оҕолор тэринэн кэлэн, көхтөөх кыттыыны ылбыттара үөрдэр. Спортсменнары, тренердары үрдүк көрдөрүүлэринэн эҕэрдэлээн туран, салгыы ситиһиилэри баҕарабыт. Үөрэнээччилэр спордунан утумнаахтык дьарыктаналлара, Сунтаарбыт инники кэскилин түстүүр эрэллэрэ буоланнар улууспут спордун сайдыытыгар кылааттарын киллэриэхтэрэ диэн эрэнэбит.
