Ахсынньы 18 күнүгэр Сунтаар улууһун үөрэҕириитин салалтатын сыллааҕы үлэтин былаанын чэрчитинэн А.П. Павлов аатынан Сунтаар 1 нүөмэрдээх орто оскуолатын педагогическай 11 «а» кылааһын үөрэнээччилэригэр «Учуутал идэтэ» диэн профориентационнай уруок ыытылынна. Уруогу Сунтаар улууһун үөрэҕириитин салалтатын каадырынан хааччыйыы отделын исписэлииһэ Александра Павлова ыытта. Кини үөрэнээччилэргэ учуутал идэтин туһунан сиһилии кэпсээтэ, педагогическай идэлэргэ ханнык үөрэх кыһаларыгар үөрэтэллэрин билиһиннэрдэ, анкетирование ыытта. Манна барыта 19 оҕо кыттыыны ылла. Үөрэнээччилэр лекцияны сэргээн иһиттилэр, университетка киирии, практика барыытын уо. д.а. тустаах боппуруостары биэрдилэр.
