
Арыылаах агрохайысхалаах оскуолатыгар
Тохсунньу 27 күнүгэр Л.Попов аатынан Арыылаах агрохайысхалаах оскуолатыгар Россия уонна ДНР Геройа Дмитрий Егоровка аналлаах улуус оскуолаларын оҕолоругар байыаннай күрэх буолан ааста. Барыта 14 оскуола кыттыыны ылла. Тэрээһин Герой олорбут дьиэтигэр мемориальнай дуосканы арыйыыттан саҕаланна.
Оскуолаҕа Герой олоҕун, бойобуой сырыыларын, табаарыстарын хаартыскаларынан, видеоларынан сырдатар куар кодтаах стендэ аһыллынна.
Оҕолор күрэхтэрэ байыаннай парадынан саҕаланна. Тэрээһиннэргэ улуус баһылыгын экономическай сайдыыга уонна стратегическай былааннааһыҥҥа солбуйааччыта Васильев Б.С., байыаннай комиссар Данилов И.С., улуус бэтэрээннэрин сэбиэтин бэрэссэдээтэлэ Васильев А.К., үөрэх управлениетын начальнигын солбуйааччыта Уаров В.В., нэһилиэк баһылыга Игнатьев И.Н., Дмитрий Егоров аҕата Николай Алексеевич сылдьыстылар, тыл эттилэр. Сунтаар телевидениетын, «Сунтаар сонуннара» хаһыат үлэһиттэрэ сылдьан уһуллулар, интервьюлары ыллылар.
Оскуола бастыҥ үөрэнээччилэрэ, активистара, доҕотторугар эрэллээх табаарыс буолар Дамир Спиридонов, Айхаан Григорьев Герой аатынан стипендиялары аҕатын илиититтэн тутан олус үөрдүлэр.
Байыаннай хаамыы уонна ырыа түһүмэҕэр 1 миэстэни Арыылаах, 2 миэстэни Бордоҥ, үһүс миэстэни Маар Күөл хамаандалара ыллылар. «Бастыҥ хамандыыр» анал ааты
Бордоҥ хамаандатын хамандыыра, «Бастыҥ строевиктар» – Бордоҥ , «Бастыҥ байыаннай форма» анал ааты эмиэ Элгээйи хамаандата, «Строевой ырыаны бастыҥ толоруу» анал ааты Арыылаах хамаандата ыллылар.
Иккис түһүмэххэ — военизированнай эстафетаҕа эмиэ Арыылаах хамаандата иннин биэрбэтэ, иккис Бордоҥ, үһүс Маар Күөл буоллулар. Калашников автоматын ыһыыга, хомуйууга, маҕаһыыныгар ботуруоннары угууга, сүөккээһиҥҥэ, противогаз кэтэн баран сыалы табыыга, ханаакка ыттыыга, мышеловка аннынан сыылан тахсыыга, спортивнай конь үрдүнэн ойууга, пресс хачайдааһыҥҥа күрэхтэстилэр. Манна эмиэ анал ааттар олохтоннулар.
Икки күрэх түмүгүнэн 1 миэстэни Арыылаах, иккис миэстэни Бордоҥ, үсүһү Маар Күөл ыллылар. Кыайыылаахтардипломнарынан, мэтээллэринэн, статуэткаларынан наҕараадаланнылар. Ону таһынан хамаандаларга Герой аҕата туруорбут харчынан бириистэрэ, хамаанда чилиэннэригэр олохтоох дьаһалта, Дима бииргэ үөрэммит оҕолорун, ООО «Сайдам» туруорбут харчынан уонна сертификаттарынан бириистэрэ туттарылыннылар. Маны таһынан «Эдэр салайааччы», «Уһуннук үлэлии сылдьар салайааччы», «Саамай эдэр кыттааччы» анал ааттар туттарылыннылар.
«Герой төрөөбүт күнүгэр төрөөбүт оҕо» анал ааты ити күн төрөөбүт күннээх Маар Күөл кыттааччыта Толя Петров ылан соһуччу үөрүү буолла.
Россия уонна ДНР Геройа Дмитрий Егоровка аналлаах тэрээһиннэр таһымнаахтык ааспытылар, элбэх оскуола кэлэн кыттыбытыттан тэрийээччилэр астынныбыт. Кыттыбыт оскуолаларга махталбытын тиэрдэбит












