Олунньу 6 күнүгэр «Ааҕыы — билии төрдө» төрөөбүт тылынан ааҕыы үөрүйэхтэригэр II улуустааҕы олимпиаданы В.Г. Павлов аатынан Сунтаардааҕы алын сүһүөх оскуолатын «СайАар» 4 кылаас учууталларын сүбэ холбоһуга тэрийэн ыытта. Олимпиада үѳрэнээччи тѳрѳѳбүт тылынан ааҕар сатабылын тургутан кѳрөргө, толкуйдуур, саҥарар, айар дьоҕурун сайыннарыыга туһуланан ыытылынна. Улуус 16 оскуолатыттан 19 оҕо кытынна. Тургутукка бэриллибит тиэкиhи ааҕыы, ис хоhоонун ырытыы, ыйытыктарга хоруйдааhын, бэйэ санаатын кылгастык суруйуу түмүгэр кыайыылаахтар билиннилэр.
Сунтаар алын сүһүөх оскуолатын 3-г кылааһын үөрэнээччитэ Ксенофонтов Байдам (учуутал Данилова Елизавета Петровна) — Кылаан кыайыылаах;
Егорова Алиса 3-а кылаас (учуутал Петрова Светлана Александровна) — 1 миэстэ;
Федоров Айсен 3 кылаас Кэмпэндээйи политехническай орто оскуолата (учуутал Евсеева Александра Васильевна) — 2 миэстэ;
Еремеева Дарина 3 кылаас Бордоҥ орто оскуолата (учуутал Алексеева Мария Михайловна) — 3 миэстэ;
Борисова Дайаана 3-б кылаас Сунтаар алын сүһүөх оскуолата (учуутал Матросова Юлия Станиславовна), Семенов Стас Күндэйэ орто оскуолата (учуутал Кюндяйцева Анна Афанасьевна) — 4-5 миэстэ буоллулар. Кинилэртэн бэрт кыранан хаалан Николаев Кирилл Сунтаар 3 №-дээх орто оскуолата (учуутал Иванова Саргылаана Моисеевна) анал биһирэбилинэн бэлиэтэннэ. Кылаан кыайылаах Байдам Ксенофонтов анал бэлиэнэн, Добун суругунан, миэстэлэспиттэр Анабыл суруктарынан, кинигэнэн наҕараадаланнылар, бары кыттааччылар туоһу сурук туттулар.
Бу тэрээһин ааҕыы үөрүйэхтэригэр улуус учууталлара болҕомто ууран үлэлиир буолбуттарын, оҕолор таһымнара былырыыҥҥы олимпиада түмүктэриттэн үрдээбитин көрдөрдө.
