Үөрэх салалтатын сүрүннүүр исписэлиииһэ Наталья Меркурьева үөрэхтэрин кэккэ биричиинэтэ суох көтүтэр оҕолору учуоттуур бэрээдэк туһунан дакылаат оҥордо.
«Навигаторы детства» муниципальнай куратора Вера Саввинова үүнэр көлүөнэҕэ патриотизм үөскээһинин суолтатын тоһоҕолоон бэлиэтээтэ.
«Азимут лучших практик» секция чэрчитинэн инновационнай технологиялар уонна ситиһиилээхт бырайыактар көрүлүннүлэр:
* Гуринова А. Г., республикатааҕы “Лучший советник РС (Я)” куонкурус кыайыылааҕа, бу хайысхаҕа үлэ уопутун үллэһиннэ.
* Федоров И. А., 11 нүөмэрдээх «Ньургуһун” оҕо сайдар киинин эбии үөрэхтээһин педагога, «Семья в профессии. Опыт наставника: объединять, поддерживать, вдохновлять» дакылааты билиһиннэрдэ.
* Семенова Л. Н. уонна Егорова М. А., “Движение первых” исписэлиистэрэ уопуттарын үллэһиннилэр. Ону тэҥэ Флагманскай проектар уонна грант туһунан кэпсээтилэр.
Былаһаакка үлэтин иккис өттө «Построение муниципальной системы воспитательной работы» стратегическай сессияҕа ананна. Дьүүллэһиигэ кыттааччылар бөлөхтөргө көхтөөхтүк үлэлээтилэр, оройуоҥҥа иитэр-үөрэтэр үлэни сайыннарыыга туһуламмыт бырайыактары ырытан оҥордулар. Сүрүн болҕомто саҥа ньымалары, актуальнай бырайыактары, оҕолорго уонна ыччакка улахан суолталаах дьаһаллары көрдөөһүҥҥэ уурулунна. Стратегическай сессия түмүгүнэн Сунтаар оройуонугар иитии үлэтин сайыннарыы тутаах хайысхалара быһаарылыннылар. Оҥоһуллубут бырайыактары үөрэх салалтатын үлэтин былааныгар киллэриллиэхтэрэ.
Ону таһынан, «Вахта памяти» улахан бырайыак үлэтин саҕалаатылар. Бастакынан «Вахта памяти» ыытар чиэскэ тигистилэр Сунтаардааҕы политехническэй лиссиэй.
