Бүгүн, олунньу 6 күнүгэр, Сунтаар улууһугар үөрэх тиһигин сайыннарыы тутаах хайысхаларыгар анаммыт үөрэх үлэһиттэрин сылын ахсын ыытыллар олунньутааҕы сүбэ мунньаҕа саҕаланна. Мунньах тиэмэтинэн «Тенденции развития системы образования Сунтарского улуса: организация профильного обучения как приоритетная задача развития» буолла.
Тэрээһин үөрэх, эбии үөрэхтээһин, оскуола иннинээҕи үөрэхтээһин тэрилтэлэрин салайааччыларын, үөрэтэр-иитэр, научнай-методическай үлэҕэ дириэктэрдэр солбуйааччыларын, оскуола музейдарын үлэһиттэрин, профсоюз бэрэссэдээтэллэрин, ону тэҥэ актыыбынай оскуола үөрэнээччилэрин түмтэ.
Күн бастакы аҥара анал былаһааккаларынан ааста, манна кыттааччылар суолталаах боппуруостары дьүүллэстилэр, уопут атастастылар уонна кэлэр сыл былааннарын торумнаатылар.
Ол курдук, муниципальнай үөрэхтээһин ситимин сайыннарыыга уонна үөрэх тэрилтэлэрин салайыы тирээн турар боппуруостарыгар аналлаах бастакы былаһаакка үлэтин ситиһиилээхтик түмүктээтэ. Үөрэх салалтатын салайааччыта Борис Васильев оройуоҥҥа үөрэх тиһигин сайыннарыы тутаах хайысхаларын билиһиннэрдэ.
Былаһаакка үлэтин салгыы үөрэх салалтатын каадырынан хааччыйыы отделын сүрүннүүр исписэлииһэ Василий Федоров үөрэхтээһин эйгэтигэр нормативнай-правовой акталары сырдатта. Үөрэх тэрилтэлэрин үлэлэрин сабыдыалыгар сокуоннар кэнники уларыйыылара көрүлүннүлэр.
Үөрэх тиһигин каадырынан хааччыйыы боппуруостарыгар аналлаах этиилэр ураты интэриэһи тартылар. Билиҥҥи кэмҥэ үөрэх систематыгар педагогическай каадырдар тиийбэттэрэ биир сүрүн кыһалҕанан буолар. Холобур икки сыллаа5ыта барыта холбоон 1018 вакансия тахсар эбит
буоллаҕына билигин 1144, вакансия элбии турар. Үөрэх салалтатын каадырынан хааччыйыы отделын сэбиэдиссэйэ Елена Егорова улуустааҕы үөрэх тэрилтэлэригэр профильнай психологическай-педагогическай кылаас үлэлэрин тэрийии туһунан сиһилии кэпсээтэ уонна целевой үөрэхтээһин педагогическай каадыр тиийбэтин быһаарыы биир ньыматынан буоларын тоһоҕолоон бэлиэтээтэ.
Үөрэх хаачыстыбатын үрдэтии боппуруостара болҕомто киинигэр буоллулар. Үөрэх салалтатын уопсай үөрэхтээһинин отделын сэбиэдиссэйэ Алексей Иванов «Критерии оценки деятельности общеобразовательных организаций» туһунан сиһилии кэпсээтэ. Үөрэх салалтатын уопсай үөрэхтээһинин отделын исписэлииһэ Наталья Ткаченко үөрэх тэрилтэлэригэр итии аһылыгы тэрийии единай стандартарын олоххо киллэрии туһунан билиһиннэрдэ. Тойбохой орто оскуолатын дириэктэри научнай-методическай үлэҕэ солбуйааччы Пальмира Леонтьева региональнай методист үлэтигэр анал үөрэхтээһин маршрутун тупсарыы уопутун үллэһиннэ, педагогическай каадырдар квалификацияларын үрдэтиигэ кэскиллээх хардыы быһыытынан бэлиэтээтэ.
Былаһаакка үлэтин чэрчитинэн туруоруллубут дакылааттары көхтөөхтүк дьүүллэстилэр, кыттааччылар интэриэстээх боппуруостарыгар эппиэттэри ыллылар.
