Былаһаакка уопут атастаһыыга, былааны дьүүллэһиигэ уонна комитет үлэтин түмүгүн таһаарыыга дьоһун суолталаах платформа буолла. Үөрэх үлэһиттэрин профсоюһун бэрэссэдээтэллэрэ Нина Павлова 2024 сыллааҕы үлэлэрин туһунан публичнай отчуотун билиһиннэрдэ.
Былаһаакка үлэтигэр Сунтаар улууһун үөрэҕин тэрилтэлэрин профкомнарын бэрэссэдээтэллэрэ көхтөөхтүк кытыннылар:
• Кривошапкина О.Н., П.Х. Староватов аатынан Элгээйи орто оскуолата;
• Григорьева Ф.И., Л. Попов аатынан Арыылаах агро хайысхалаах оскуолата;
• Федорова Л.И,, Маар-Күөл оскуолата.
Манна кэлэр сылга үлэ былааннарын дьүүллэстилэр. Педагогическай үлэһиттэр идэлэрин үрдэтиигэ, культурнай-маассабай уонна спортивнай тэрээһиннэри тэрийиигэ, ону тэҥэ педагогическай үлэ бэтэрээннэрин өйөөһүҥҥэ туһуламмыт дьаһалларга ураты болҕомто уурулунна.
Кыттааччылар уопут атастастылар, бастыҥ практикалары үллэһиннилэр уонна Сунтаар улууһугар профсоюз хамсааһынын салгыы сайыннарыыга туһуламмыт холбоһуктаах быһаарыылары оҥорорго туһуланнылар. Ылыллыбыт быһаарыылар уонна былааннар ситиһиилээхтик олоххо киириэхтэрэ, профсоюз үөрэх үлэһиттэрин интэриэстэрин көмүскээн, кинилэр профессиональнай үлэлэригэр сөптөөх усулуобуйаны тэрийэргэ көмөлөһүөҕэ диэн эрэнэбит.
Мунньах кыттыылаахтара бэйэлэрин эйгэлэригэр сүрүн боппуруостарга болҕомтолорун ууралларыгар, уопут атастаһалларыгар уонна инники үлэлэригэр чопчу рекомендациялары оҥостоллоругар дьоһуннаах былаһаакка буолла. Үөрэх салалтата былаһаакка кыттыылаахтарыгар актыыбынай уонна көдьүүстээх үлэлэрин иһин махталын тиэрдэр уонна Сунтаар улууһун үөрэҕин тиһигин сайыннарыы туһугар салгыы бииргэ үлэлээһиҥҥэ эрэлин биллэрэр.
Күн иккис аҥарыгар мунньах пленарнай чааһа «Партизан» норуот айымньытын киинигэр ыытыллыаҕа, онно Сунтаар улууһун үөрэҕин ситимин сайыннарыы сүрүн хайысхалара торумнаныахтара.
