Бүгүн, олунньу 7 күнүгэр, А.П. Павлов аатынан Сунтаар 1 нүөмэрдээх оскуолатыгар үөрэх үлэһиттэрин олунньутааҕы сүбэ мунньаҕын чэрчитинэн улуус оскуолаларын ортолоругар «Педагог будущего» диэн III методическай турнир түмүктэннэ. Манна улуус араас оскуолаларыттан 10 эрчимнээх уонна талааннаах хамаанда кыттыыны ылла. Тэрээһин сыалынан-соругунан инновационнай педагогическай ньымалары арыйыы уонна педогагтары өйөөһүн, ону тэҥэ уопуту уонна профессиональнай үүнүүнү атастаһыыга былаһаака тэрийиитэ буолла.
Турнир үөрүүлээх аһыллыытыгар үөрэх салалтатын информационнай-методическай отделын сэбиэдиссэйэ Туяра Семенова педагогтар сайдыыларын уонна кинилэр үөрэх процеһыгар аныгы методиканы олоххо киллэриигэ бэлэмнэрин тоһоҕолоон бэлиэтээтэ уонна бары кыттааччыларга ситиһиини баҕарда.
Программа үс түһүмэхтэн турда – хас биирдиилэрэ профессиональнай билиини эрэ буолбакка, креативноһы, саҥа ньымалары уонна хамаанданан үлэлээһин сатабылларын көрдөрөргө туһуланна.
Куоҥкурус «Расскажи о себе» диэн бастакы түһүмэҕинэн тус бэйэлэрин билиһииннэриттэн саҕалаана. Хас биирдии хамаанда тус уратытын көрдөрдө.
Салгыы куонкурус иккис түһүмэҕэ «Педагогический СТиЭМ (Совместное творчество и эффективные методики)» ыытылынна. Кыттааччылар педагогическай соруктары быһаарыы процеһыгар бииргэ улэлиир дьоҕурдарын көрдөрдүлэр.
Турнир түмүк түһүмэҕэ «Образовательный проект» буолла. Икки чаас иһигэр хамаандалар бэйэлэрэ үөрэх бырайыагын оҥорон билиһиннэрдилэр. Манна кыттааччылар кыахтарын толору арыйыыга, стратегическай өттүнэн толкуйдуурга, идиэйэлэрин тиэрдэргэ сатабылларын көрдөрдүлэр. Туруоруллубут бырайыактарга үөрэх системата сайдарыгар туһаайыллыбыт араас инновационнай ньымалар этилиннилэр.
Кыттааччылар бары сертификатынан бэлиэтэннилэр, кыайыылаахтар дипломнарынан уонна өйдөбүнньүк бириистэринэн наҕараадаланнылар.
Ол курдук:
1 истиэпэннээх дипломант – Сунтаардааҕы гимназия хамаандата. (Петрова Марина Леонидовна, социальнай педагог, Слепцова Мария Семеновна, Захаров Максим Алексеевич, нуучча тылын уонна литературатын учууталлара, Ордахова Мария Семеновна, история учуутала).
2 истиэпэннээх дипломант – Сунтаар 3 нүөрдээх оскуолата. (Гриц Галина Андреевна, химия уонна биология учуутала, Васильев Семен Семенович, ИЗО уонна черчение учуутала, Попов Павел Александрович, физкультура учуутала)
3 истиэпэнээх дипломант – А.П. Павлов аатынан Сунтаар 1 нүөмэрдээх оскуолата. (Байаҕантай Чэгэн Боотур уола, информатика учуутала, Дьяконова Марина Виссарионовна, информатика учуутала, Ощепкова Оксана Геннадиевна, биология учуутала, Бекянова Аина Сергеевна, биология уонна география учуутала)
Ону таһынан, анал ааттар иҥэрилиннилэр:
«Педагогическая надежда» — Г.Е. Бессонов аатынан Тойбохой орто оскуолатын хамаандатыгар. «Стремление к совершенству» — Дьаархан орто оскуолатыгап. «Творческий поиск и оригинальность решений» — П.Х. Староватов аатынан Элгээйи орто оскуолатыгар.
Улуус үөрэҕин салалтата «Педагог будущего» кыттыылаахтарыгар сайдыыга дьулуурдарын иһин барҕа махталын тиэрдэр. Турнир инникитин үөрэх кэскилэ эрэллээҕин, үүнэр көлүөнэ учууталлар үрдүк бэлэмнээхтэрин көрдөрдө.
