Олунньу 12 күнүгэр А.К. Акимов аатынан Күүкэй орто оскуолатыгар 4-с кылаас үөрэнээччилэрин ортотугар 10-с төгүлүн ыытыллар «Саҥа көлүөнэ бастыҥ үөрэнээччитэ – 2025» куонкурус буолан ааста. Куонкурус дьулуурдаах, чаҕылхай, интеллектуальнай сайдыылаах оҕолору арыйарга ыытылынна. Маны сэргэ, алын кылаас үөрэнээччилэрин ортотугар үөрэх-билии интэриэһин үрдэтиигэ туһуланна.
Куонкурус сүрүн сыала-соруга – талааннаах уонна дьоҕурдаах оҕолору буларга, тус уратыларын сайыннарарга сөптөөх усулуобуйаны тэрийии, ону тэҥэ үөрэнээччилэри үөрэхтээһиҥҥэ, айар уонна интеллектуальнай үлэҕэ көҕүлээһин буолар.
Быйыл куонкурус Россияҕа Аҕа дойдуну, Саха Республикатыгар Ийэ дойдуну көмүскээччи, Сунтаар улууһугар С.А. Зверев сылларыгар ананан ыытылынна. Куонкурус программата икки түһүмэхтэн турда: виртуальнай уонна очнай. Виртуальнай түһүмэх чэрчитинэн 31 кыттааччы бэйэлэрин талааннарын уонна ситиһиилэрин көрдөрөр видеовизиткаларын билиһиннэрбиттэрэ.
Түмүк түһүмэххэ түөрт тургутууну аастылар:
1. Интеллектуальнай тур: кыттааччылар билиилэрин-көрүүлэрин бэрэбиэркэлээһин.
2. Бырайыактары уонна дакылааттары көмүскээһин: чинчийэр дьоҕуру уонна сатабылы көрдөрүү.
3. Музыкальнай тур: айар потенциалы вокальнай эбэтэр инструментальнай толоруунан арыйыы.
4. Прикладной айымньы: араас маастарыстыбаларын көрдөрүү.
Кыттааччылары компетентнай экспертнэй бөлөх сыаналаата. Түмүк:
• Федотов Ярослав, А.К. Акимов аатынан Күүкэй орто оскуолата – 1 истиэпэннээх лауреат;
• Иванов Роман, В.Г. Павлов аатынан Сунтаар алын сүһүөх оскуолата – 2 истиэпэннээх лауреат;
• Ероскумова Ангелина, Толоон оскуола-саада – 3 истиэпэннээх лауреат;
• Данилова Сайаана, В.Г. Павлов аатынан Сунтаар алын сүһүөх оскуолата – 1 истиэпэннээх дипломант;
• Семенов Харысхан, В.И. Иванов аатынан Кэмпэндээйи политехническай орто оскуолата – 2 истиэпэннээх дипломант;
• Васильев Ян, Илимниир орто оскуолата – 3 истиэпэннээх лауреат;
• Амбросьев Чаҕыл, И.Г. Спиридонов аатынан Кириэстээх политехническай орто оскуолата – “Талант Года” анал аат;
• Никитина Юлиана, Г.Е. Бессонов аатынан Тойбохой оскуолата – “Самый креативный” анал аат;
• Михайлов Лев, Сунтаардааҕы санаторнай оскуола — “Активист Года” анал аат;
• Поротов Айуран – “Лучшая визитка” анал аат;
• Подрясова Лидия, А.П. Павлов аатынан Сунтаар 1 нүөмэрдээх оскуолата – “Зрительская симпатия” анал аат;
• Степанов Дамир, С.А. Зверев аатынан Түбэй Дьаархан оскуолата — “За волю к победе” анал аат;
• Софронеев Алгыстан, Хоро орто оскуолата — “Дебют Года” анал аат;
• Ткаченко Артем, В.Г. Павлов аатынан Сунтаар алын сүһүөх оскуолата — “Лучший эрудит” анал аат.
Быйылгы куонкурус муҥутуур кыайыылаах аатын Б.Н. Егоров аатынан Күндэйэ орто оскуолатын 4-с кылааһын үөрэнээччитэ Дьяконов Арылхан (учуутал Львова Л. Г.) ылла.
«Саҥа көлүөнэ бастыҥ үөрэнээччитэ – 2025» куонкурус биһиги улууспут оскуолаларыгар дьулуурдаах, талааннаах уонна айымньылаах оҕолор үөрэнэллэрин бигэргэттэ. Оҕолорбутун эҕэрдэлиибит, инникитин да үрдүк ситиһиилэри баҕарабыт!
