Олунньу 12 күнүгэр Сунтаар 5 нүөмэрдээх «Ньургуһун» оҕо сайдар киинигэр «Современные технологии развития детей дошкольного возраста в условиях ДОУ» улуустааҕы педагогическай десант ситиһиилээхтик ыытылынна.
Тэрээһин оскуолаҕа киириэн иннинээҕи саастаах оҕолор сайдыыларыгар аныгы технологиялары киллэрии боппуруоһугар ананан ыытылынна. Барыта 30 киһи мустубут сэминээрэ педагогтар үлэлэрин таһымын үрдэтиигэ ону тэҥэ оҕолору үөрэтиигэ уонна иитиигэ инновационнай ньымалары билиһиннэриигэ туһуланна.
Аныгы үөрэх процеһыгар, технологиялар тэтимнээхтик сайда турар кэмнэригэр, педагогтар киэҥ билиилээх-көрүүлээх уонна үөрэх технологияларын көдьүүстээхтик туһанар сатабыллаах буолуохтаахтар. Педагогическай десант кыттыылаахтара уопуттарын үллэһиннилэр, инновационнай педагогическай технологиялары ситиһиилээхтик туһанар коллегаларын кытта ыкса билистилэр.
Сэминэээр чэрчитинэн 8 дакылаат уонна маастар-кылаас көрүлүннэ:
• Николаева А.Г., Саввинова Д.П., иитээччилэр – «Килук уонна Лопчуо» хотугу остуоруйаны көрдөрдүлэр;
• Семенова В. В., иитээччи – «Интегрированная ОД с использованием инновационных игровых технологий «Ойуулуктар».
• Николаева Ю. А., эбии үөрэхтээһин педагога – оскуола иннинээҕи саастаах оҕолорго оонньуур хореографияҕа маастар-кылаас ыытта.
• Могусова Л.А., Платонова В.А., иитээччилэр – «Ньу-соль» эбии профилактическай программа олоххо киириитин, оҕо доруобуйатын бөҕөргөтүүгэ туһуламмыт программа туһунан кэпсээтилэр.
• Аммосова С. В., логопед-учуутал – тыллары көннөрөргө уонна коммуникативнай дьоҕуру сайыннарарга «ARTIKME» өйдөөх сиэркилэни туһаныы уратытын туһунан дакылаат оҥордо.
• Алексеева Н. А., иитээччи – оҕолору үөрэтиигэ уонна сайыннарыыга туһалаах цифровой көмөлөһөөччүлэри кытта сэминээр кыттыылаахтарын билиһиннэрдэ.
Тэрээһин түмүгэр педагогтар сэминээр үрдүк практическай суолтатын, ис хоһоонун уонна коллегаларын кытта уопут атастаһыытын бэлиэтээтилэр. Кыттааччылар ылбыт билиилэрин-көрүүлэрин, үөрүйэхтэрин инники педагогическай үлэҕэ ситиһиилээхтик туһаныахтара диэн эрэллэрин биллэрдилэр. Маннык тэрээһин үүнэр көлүөнэни үөрэтиигэ уонна иитиигэ инновационнай ньымалары олоххо киллэриигэ, педагогтар профессиональнай таһымнарын үрдэтиигэ, ону таһынан кинилэр үлэлэрэ көдьүүстээх буоларыгар туһуланар.
