Олунньу 14 күнүгэр Мария Ильинична Корякина Сунтаар улууһугар үлэлээтэ. Визит оройуон үөрэҕин тиһигин кытта билсиигэ уонна актуальнай боппуруостары дьүүллэһиигэ ананна.
Рабочай программа быһыытыанан бастакынан Мария Ильинична оройуон үөрэҕин историятын уонна ситиһиилэрин кытта билиһиннэрэр үөрэх түмэлигэр сырытта.
Салгыы программа хаамыыта салҕанна. Ол курдук, Н.М. Родионова аатынан оҕо дьоҕурун сайыннарар киинигэр дириэктэр Антонова А. В. оҕолор айар дьоҕурдарын сайыннарыыга туһуламмыт киин үлэтин билиһиннэрдэ. И.С. Иванов аатынан Сунтаар 2 нүөмэрдээх оскуолатыгар үөрэх программатын кытта билистэ. Анал коррекционнай оскуолаҕа сылдьан анал үөрэхтээх оҕолорго үөрэх процеһын тэрийиитин көрдө. Ону таһынан, Сунтаардааҕы политехническай лиссиэйгэ сырытта.
Ол кэннэ үөрэх салалтатын салайааччыта Борис Васильев Сунтаар оройуонун үөрэҕин тиһигин сайыннарыы кыһалҕаларыгар уонна кэскилигэр аналлаах төгүрүк остуол тэрийдэ. Мария Ильинична Корякина рабочай сырыытын түмүктэрэ улууска үөрэх сайдыытын стратегиятын ырытан оҥорууга уонна олоххо киллэриигэ учуоттанара күүтүллэр.
