Быйыл 2025 сыл – Россияҕа Аҕа дойду көмүскээччи, Саха сиригэр Ийэ дойдуну көмүскээччи, Улуу Кыайыы 80 сылыгар аналлаах тэрээһин буолла. Бу күрэх сүрүн хайысхатынан буолар — оҕону кыра сааһыттан төрөөбүт дойдуга тапталы, бэриниилээх буолууга, патриотическай өйгө-санааҕа, тыыҥҥа иитии. Олунньу ый 18 күнүгэр В.Г. Павлов аатынан Сунтаардааҕы алын сүһүөх оскуола спортивнай саалатыгар тэриллэн ыытылынна. Барыта 7 уһуйаан хамаандаларын бэлэмнээн ситиһиилээхтик кытыннылар. Ол курдук, Кутана “Мичээр”, Күндэйэ “Күнчээн”, Кэппэндээйи оскуолатын уһуйааннара, Сунтаартан “Чебурашка”, Ньургуһун”, “Солнышко” оҕо сайдар кииннэрэ кыттыыны ыллылар. Хас биирдии хамаанда күүскэ бэлэмнээхтэрин көрдөрдүлэр.
Күрэх икки түһүмэҕинэн ыытылынна. Бастакы түһүмэххэ: хамаандалар байыаннай формалаах, хамандьыыр хамаандатын толорон, уҥа-хаҥас эргийдилэр, ырыа ыллаан строевой хаамыыны көрдөрдүлэр.
Иккис түһүмэххэ: «Малые игры ГТО». ГТО нуорматын алта көрүҥҥэ хамаанда аайыттан түөртүү оҕо (14 оҕо) туттарарга холоннулар.
Бүгүҥҥү патриотическай күрэс дьүүллүүр сүбэтэ:
– строевой хаамыыга: Еремеев Гаврил Михайлович – В.Г. Павлов аатынан Сунтаардааҕы алын сүһүөх оскуолатын салайааччыта, Павлова Надежда Семеновна — улуус үөрэҕириитин оскуола иннинээҕи салаатын сүрүннүүр специалиһа, Михайлов Александр Николаевич – Сунтаардааҕы оҕо спортивнай оскуолатын тренерэ.
— “Малые игры ГТО”: Уйусхан Сергеевич Егоров, Сунтаар улууһун физкультураҕа уонна спортка салаатын ГТО-ҕа кылаабынай специалиһа.
Түмүккэ:
— строевой хаамыыга: 1 миэстэ 143 очколаах “Ньургуһун” оҕо сайдар киинэ, 2 миэстэ 135 очколаах “Чебурашка” оҕо сайдар киинэ, 3 миэстэ 128 очколаах “Ёлочка” уһуйаан буоллулар. “Кыайыыга дьулуурун иһин” “Солнышко” оҕо сайдар киинин хамаандата, “Бастыҥ отделения хамандьыыра” — Спиридонов Николай “Ньургуһун” оҕо сайдар киин, “Бастыҥ байыаннай форма” — “Күнчээн” Күндэйэ хамаандата, “Бастыҥ байыаннай ырыа” — Кутана «Мичээр” хамаандата анал ааттары ылары ситистилэр.
— Иккис түһүмэххэ “Малые игры ГТО”: 10м сүүрүү, биир миэстэттэн ырааҕы ыстаныы, 6м теннис мээчигин сыалы таба быраҕыы, имигэс буолууга спортивнай ыскамыайкаҕа туран атаҕы токуппакка төҥкөйөн илиини аллараа уунуу, муостаҕа тайанан анньыныы, олорон эрэ көхсүнү көтөҕүү көрүҥнэргэ ГТО нуормаларын туттарыы ыытылынна.
Алта көрүҥ түмүгүнэн, 6-7 саастаах кыргыттарга: 1 миэстэ — Павлова Милена (14 очколаах) “Чебурашка” о5о сайдар киин, 2 миэстэ – Павлова Злата (15 очколаах) “Чебурашка” оҕо сайдар киин, 3 миэстэ – Иванова Нарыйа (21 очколаах) “Ньургуһун оҕо сайдар киин” Сунтаар.
Алта көрүҥ түмүгүнэн, 6-7 саастаах уолаттарга: 1 миэстэ – Лазарев Алмаз (16 очколаах) “Чебурашка” оҕо сайдар киин Сунтаар, 2 миэстэ – Сидоров Дьулус (18 очколаах) “Ньургуһун оҕо сайдар киин” Сунтаар, 3 миэстэ – Спиридонов Николай (26 очколаах) “Ньургуһун оҕо сайдар киин” Сунтаар.
Бу улуустааҕы хаамыы уонна ырыа күрэскэ күүскэ бэлэмнэнэн кэлэн кыттыыны ылбыт уһуйааннар хамаандаларыгар, салайааччыларыгар, күрэҕи сыаналаабыт дьүүллүүр сүбэҕэ улахан барҕа махталбытын тиэрдэбит.
