Кириэстээхэ «Кыайыы знамятын» политехническай орто оскуолатыгар көрсөн баран «Албан аат» болуоссатыгар өрөгөйдөөх миитин ыыттылар.
Миитиҥҥэ Кириэстээх уонна Куокуну олохтоохторо «Кыайыы знамятын» үөрэ-көтө көрүстүлэр. Ол кэннэ Аҕа дойду сэриитигэр олохторун биэрбит дьоҥҥо анаан биир мүнүүтэ чуумпуруу биллэрилиннэ.
«Кыайыы Знамята» эстэпиэтэ Сунтаар улууһун Кириэстээх нэһилиэгэр кэллэ. И.Г. Спиридонов аатынан Кириэстээх политехническай орто оскуолатыгар үөрүүлээхтик көрүстүлэр.
Кыайыы Знамятын Сунтаар улууһун ыччат политикатын отделын салайаччыта Трофим Иванов, улуустааҕы бэтэрээннэр сэбиэттэрин бэрэссэдээтэлэ Афанасий Васильев уонна улуус байыаннай комиссара Игорь Данилов арыаллаан кэллилэр.
«Кыайыы былааҕа» өрөспүүбүлүкэтээҕи эстафетаны Сунтаардааҕы гимназия, 2-с нүөмэрдээх уонна М.Герасимов аатынан санаторнай оскуолалар көрүстүлэр.
Аҕа дойду улуу сэриитигэр Сунтаарбыт улууһуттан 2756 киһи саа-саадах тутан сэриигэ ыҥырыллан барбыта. Олортон 1664 киһи ийэ дойдутун көмүскэлигэр олохторун толук уурбуттара. 1096 буойун кыайыы үөрүүтүн билэн дойдуларыгар эргиллибиттэрэ. Ону тэҥэ бу күҥҥэ 80 кэриҥэ тыыл бэтэрээнэ, 340 сэрии оҕолоро бааллар.
Билигин биһиги улуустан икки сэрии бэтэрээнэ Мартын Григорьев, Петр Яковлев Улуу Кыайыыны көрсүөхтэрэ.
Устуоруйаҕа хаалар долгутуулаах тэрээһин Сунтаар нэһилиэгин үөрэх тэрилтэлэринэн сырыыта түмүктэннэ.
Сунтаар В.Павлов аатынан алын сүһүөх оскуолатын кырачаан үөрэнээччилэрэ Кыайыы былааҕын көрсөллөр.
Кырачаан саллааттар дьоһуннаахтык хорсун буойуттары холобур оҥостон ырыа ыллаатылар, сэлэлии хаамтылар. Кэлэн иһэр Аҕа дойдуну көмүскээччилэр күннэринэн эҕэрдэлэрин эттилэр.
Салгыы Кыайыы былааҕын көрсүү тэрээһинэ Сунтаардааҕы политехническай лиссиэйигэр салҕанар.
Дойду гииминин доҕуһуолунан Кыайыы былааҕын күөрэччи тутан киирэн иһийии мүнүүтэтэ биллэрилиннэ. Кыайыы хоһоонун үөрэнээччилэр киэн тутта, доргуччу аахтылар.
Тэрээһиҥҥэ Сунтаардааҕы бэтэрээннэр сэбиэттэрин бэрэссэдээтэлэ Афанасий Васильев, улуус үөрэҕириитин управлениетын иитии уонна эбии үөрэхтээһин отделын салайааччыта Александра Павлова, ыччат отделын салайааччыта Трофим Иванов кыттыыны ылаллар.
Дойдубут эйэлээх олоҕун иһин сэриилэспит күндү бэтэрээннэри, тыылга үлэлээбит ытык кырдьаҕастары, сэрии оҕолорун кинилэр тустарынан өйдүү-саныы сылдьабыт.
Ким да умнуллубат, туох да умнуллубат!
@suntaar_sonunnara улуус хаһыата @ulusmedia
