Бүгүн И.С. Иванов аатынан Сунтаар 2 нүөмэрдээх оскуолатыгар Бүлүү макрорегионун дириэктэрдэрин ассоциацияларын бастакы спартакиадата ыытылынна.
Манна Горнай, Бүлүү, Үөһээ Бүлүү, Ньурба, Сунтаар оскуолаларын салайааччылара сэттэ хамаандаҕа арахсан алта спорт көрүҥэр күрэхтэстилэр: волейболга, тенниска, дуомакка, канат тардыһыытыгар уонна дартс быраҕыытыгар.
Спартакиада сылын аайы үгэскэ кубулуйан Бүлүү регионугар спорт сайдыытыгар уонна сибээһи бөҕөргөтүүгэ бэйэтин кылаатын киллэриэ диэн тэрийээччилэр эрэллээхтэр.
Маны таһынан дириэктэрдэр ассоциациялара аһымал акция олохтоотулар. Ол чэрчитинэн Сунтаар улууһун хамаандата Тихонов Евгений дьиэ кэргэнигэр 10000 солк. сертификат туттарда. Ити курдук дириэктэрдэр күн киһитэ көмүскэс, айыы киһитэ аһыныгас диэн өбүгэлэрбит эппит ох тылларын ханнык да түгэҥҥэ умнубаттар.
