Бүгүн, кулун тутар 21 күнүгэр, И.С. Иванов аатынан Сунтаар 2 нүөмэрдээх оскуолатыгар уһулуччулаах судаарыстыбаннай уонна бэлитиичэскэй диэйэтэл Гаврил Иосифович Чиряев 100 сылыгар аналлаах улуустааҕы «БАСХАН — 2025» дьыалабыай онньуу буолан ааста.
Күрэх 2013 сылтан сахалыы куттаах, дойдутугар бэриниилээх эр киһини иитэн таһаарар, өй-санаа өттүнэн сайыннарар, уол оҕо оруолун уопсастыбаҕа үрдэтэр, киэҥ эйгэҕэ таһаарар, билиһиннэрэр сыаллаах ыытыллар.
Күрэх сыалынан уол оҕо дириҥ өйдөбүллээх, киэҥ билиилээх буоларын ситиһии уонна төрөөбүт дойдуга үтүө сыһыаҥҥа иитии буолар. Манна улуус араас оскуолаларыттан 8 уол лидер оҕо кыттыыны ылла. Кыттааччылар биэс түһүмэххэ бэйэлэрин тургуттулар. Ол курдук, «удьуор утума» — бэйэни, төрдүгүн уускун билиһиннэрии, «Үлэ дьоруойдара мин харахпынан» — талбыт дьоруойгун сырдатыы, «Өркөн өй» – блиц ыйытыктарга хоруй, «Дьыалабыай оонньуу» – билиини тургутуу, «айыы умсулҕана» – хоһоон 4 сторокатыгар салгыы эбэн хоһоону ситэрии.
Дьүүллүүр сүбэҕэ үлэлээтилэр: Тотонов Константин Тойбохоевич, Аҕа сүбэтин салайааччытын солбуйааччыта, Иванов Герман Владимирович, Сергей Афанасьевич Зверев — Кыыл Уола аатынан улуустааҕы норуот айымньытын киинин исписэлииһэ, Павлова Александра Семеновна, үөрэх салалтатын итии уонна эбии уэрэхтээһин отделын салайааччыта, Меняков Арнольд Александрович, Күндэйэ орто оскуолатын театральнай студиятын салаччыта.
Күрэх кыайыылаахтарынан буоллулар:
КЫЛААН КЫАЙЫЫЛААХ аатын сүктэ Дамир Сергеев, Хадан оскуолатын орто уопсай үөрэхтээһин оскуолатын онус кылааһын үөрэнээччитэ.
Ону таһынан, анал ааттарынан бэлиэтэннилэр:
«Киэҥ көрүүлээх Басхан» – Елисей Васильев, Сунтаардааҕы үһүс нүөмэрдээх орто уопсай үөрэхтээһин оскуолатын уон биирис кылааһын үөрэнээччитэ. «Удьуор утумун салгыыр Басхан» – Айтыын Кузьмин, Дьаархан орто уопсай үөрэхтээһин интэрнээт оскуолатын ахсыс кылааһын үөрэнээччитэ. «Сайдам санаа Басхана» – Рустам Прокопьев, Сунтаардааҕы иккис нүөмэрдээх орто уопсай үөрэхтээһин оскуолатын тохсус кылааһын үөрэнээччитэ. «Өркөн өй Басхан» – Артем Петров, Маар-Күөл орто уопсай үөрэхтээһин оскуолатын тохсус кылааһын үөрэнээччитэ. «Тобуллаҕас толкуй Басхана» – Николай Андреев, Күндэйэ орто уопсай үөрэхтээһин оскуолатын ахсыс кылааһын үөрэнээччитэ. «Хомоҕой тыл Басхана» – Никита-Сандал Иванов, Илимниир орто уопсай үөрэхтээһин оскуолатын ахсыс кылааһын үөрэнээччитэ. «Ылыннарыылаах тыл басхана» – Стас Ли Стас, Сунтаардааҕы бастакы нүөмэрдээх орто уопсай үөрэхтээһин оскуолатын онус кылааһын үөрэнээччитэ.
Үөрэх салалтатын аатыттан күрэх кыттыылаахтарын барыларын эҕэрдэлиибит! Оҕолор ылбыт билиилэрэ-көрүүлэрэ инникитин көмө буолуо диэн эрэнэбит.
