Кулун тутар 28 күнүгэр Тойбохой сэлиэнньэтин кэрэ көстүүлээх «Коноок» сиригэр улуус оскуолаларын үөрэнээччилэригэр комплекснай спартакиада чэрчитинэн ыытыллар хайыһар күрэҕэ үрдүк таһымҥа буолан ааста. Манна уопсайа 9 бэлэмнээх хамаанда күөн көрүстэ.
Тэрээһин аһыллыытыгар Сунтаар улууһун үөрэҕин салалтатын салайааччытын солбуйаччы Владимир Уаров, Г.Е. Бессонов аатынан Тойбохой орто оскуолатын дириэктэрэ Айаал Тотонов, Тойбохой нэһилиэгин баһылыгын солбуйааччы Айаал Леонтьев күрэх кыттааччыларын көрүстүлэр, ситиһиини баҕардылар.
Күрэхтэһии чөл олоҕу пропагандалааһын, хайыһар спордун тарҕатааһын, үүнэр көлүөнэни спордунан дьарыктыырга уһуйар сыаллаах ыытылынна. Программа чэрчитинэн саастарыгар сөп түбэһэр дистанцияҕа анал стартарынан уһуну сүүрдүлэр:
• 5-6 кылаастар: 1 км (кыргыттар), 1 км (уолаттар)
• 7-8 кылаастар: 2 км (кыргыттар), 2 км (уолаттар)
• 9-11 кылаастар: 2 км (кыргыттар), 3 км (уолаттар)
Маны таһынан биатлоҥҥа күрэхтэстилэр.
Тыҥааһыннаах киирсии түмүгэр уолаттар уонна кыргыттар ортолоругар биирдиилээн түмүккэ кыайыылаахтар уонна призердар быһаарылыннылар. Кинилэр бары грамоталарынан уонна мэтээллэринэн наҕараадаланнылар. Ол курдук, илин-кэлин түсүһүү кэннэ түмүк маннык буолла:
Уопсай:
1. Б.Н. Егоров аатынан Күндэйэ орто оскуолата;
2. Сунтаардааҕы политехническай лиссиэй;
3. Маар-Күөл орто оскуолата.
Комплекснай (улахан оскуолаларга):
1. Б.Н. Егоров аатынан Күндэйэ орто оскуолата;
2. Сунтаардааҕы политехническай лиссиэй;
3. Г.Е. Бессонов аатынан Тойбохой орто оскуолата.
(Кыра оскуолаларга):
1. Маар-Күөл орто оскуолата;
2. Л. Попов аатынан Арыылаах агро хайысхалаах орто оскуолата;
3. В.Ф. Абрамович аатынан Устье орто оскуолата.
Биатлон:
1. Сунтаардааҕы политехническай лиссиэй;
2. Маар-Күөл орто оскуолата;
3. Г.Е. Бессонов аатынан Тойбохой орто оскуолата;
4. Б.Н. Егоров аатынан Күндэйэ орто оскуолата.
Биирдиилээн түмүк:
5-6 кыл. кыргыттарга: 1 м. — Эмилия Ефимова, Күндэйэ; 2 м. — Селена Потапова, Маар-Күөл; 3 м. — Эмма Андреева, Күндэйэ.
5-6 кыл. уолаттарга: 1 м. — Миша Михайлов, Маар-Күөл; 2 м. — Талбан Гуринов, Күндэйэ; 3 м. — Айсен Мырьянов, Арыылаах.
7-8 кыл. кыргыттарга: 1 м. — Күннэй Ощепкова, Күндэйэ; 2 м. — Камила Корнилова, Тойбохой; 3 м. — Дуня Сидорова, Тойбохой.
7-8 кыл. уолаттарга: 1 м. — Коля Рожин, Маар-Күөл; 2 м. — Саян Соколов, Маар-Күөл; 3 м. — Толя Петров, Маар-Күөл.
9-11 кыл. кыргыттарга: 1 м. — София Ефимова, СПТЛ-И; 2 м. — Сандаара Гуринова, Тойбохой, 3 м. — Анжелла Михайлова, Бордоҥ.
9-11 кыл. уолаттарга: 1 м. — Володя Потапов, Маар-Күөл; 2 м. — Валентин Уаров, СПТЛ-И, 3 м. — Николай Гуринов, Күндэйэ.
Үөрэх салалтата бары кыттааччыларга, тренердэргэ, учууталларга, тэрийээччилэргэ барҕа махталын тиэрдэр. Маннык тэрээһиннэргэ кыттан эдэр спортсменнар доруобуйаларын бөҕөргөтөөһүҥҥэ, кыайыыга дьулуурдарын сайыннарарга уонна умнуллубат өйдөбүлү ылалларыгар эрэллээхпит!
