Муус устар 1-4 күннэригэр Дьокуускай куоракка Бүтүн Россиятааҕы «Директор года — 2025» профессиональнай куонкурус республикатааҕы түһүмэҕэ буолан ааста. Манна республика араас муннугуттан 16 үөрэх тэрилтэлэрин салайааччылара кыттыыны ыллылар.
Биһиги улууспутуттан Г.Е. Бессонов аатынан Тойбохой орто оскуолатын дириэктэрэ Айаал Валерьевич Тотонов куонкурус бары түһүмэҕин ситиһиилээхтик ааһан «Профессиональное тестирование» номинацияҕа кыайыылаах дипломун ылла, ону тэҥэ «Надежда Якутии» түөскэ кэтиллэр бэлиэнэн наҕараадаланна.
Коллегаларбыт ситиһиилэрэ Сунтаар оройуонун үөрэҕин тиһигин салгыы сайыннарарга көмөлөһүө диэн эрэнэбит. Үөрэх салалтатын аатыттан Тойбохой оскуолатын хамаандатыгар — дириэктэр Айаал Тотоновка, дириэктэри научнай-методическай үлэҕэ солбуйааччы Пальмира Леонтьеваҕа, иитэр үлэҕэ солбуйааччы Петр Уаровка махтанабыт, ситиһиилэринэн эҕэрдэлиибит, инникитин таһаарыылаах үлэни баҕарабыт!
