Бүгүн, муус устар 4 кунугэр, М.И. Герасимов аатынан Сунтаардааҕы санаторнай оскуола-интернакка бэрт ураты күн буолла. Ол курдук улуустааҕы алын кылаас оҕолорун КВН хамаандаларын икки ардыгар «Көөчөөн Көрө, Бэрт Бэтиэхэ» күрэх үһүс төгүлүн ыытылынна.
Манна улуус 5 оскуолатыттан КВН хамаандалара кэлэн өрө күүрүүлээхтик кытыннылар. -Күндэйэттэн «Күн Дьоно» -Шеяттан «Оҕочоостор» -Маар Күөлтэн «ЭСТА» -Тойбохойтон «Уу-чукурук» -Бордоҥтон «Бордоҥ бэтиэхэлэрэ»
Хамаандалар бары даҕаны бэркэ бэлэмнэнэн, ох курдук оҥостон кэлэн ситиһиилээхтик кытыннылар. Сынньалаҥ кэмигэр оҕолорго араас көрдөөх оонньуулары «СунАМП» Сунтаар улууһун эдэр педагогтарын Ассоциациятыттан Назарова Нь.Я., Семенова Л.Ю. ыыттылар, минньигэс астаах остолобуой улэлээтэ.
Кэлбит ыалдьыттар туус хоһугар эмтээх салгынынан тыыннылар, кислороднай коктейль, фиточай амсайан доруобуйаларын чэбдигиртилэр. О5олор тыыннаах муннугу сэргээн көрдүлэр: декоративнай кроликтар, уу чараппаахыта, улитка, хомяктар, соҕуруу дойду чыычааҕа, араас балыктар оҕолор болҕомтолорун тартылар.
3 сорудаҕы толорон көрдөрдүлэр: «Бэйэни билиһиннэрии» («Дорообо, КВН» диэн тиэмэлээх), «Сааскы көрүдьүөстэр», «Музыкальнай» (тиэмэтэ «Арай биирдэ переманаҕа…»). Дьүүллүүр сүбэ «Кинопародия» сорудаҕы видеонан көрөн дьүүллээтэ. Күрэххэ кыттааччылар көр-нар аргыстаах олус көхтөөхтүк күөн күрэстэстилэр.
Жюри түбүктээх үлэ кэннэ номинациялары таһаарда: «Көрдөөх Көөчөөн» — Сунтаар санаторнай оскуолата; «Бэрт Бэтиэхэ» — Бордоҥ оскуолата; «Мистер Көрдөөх Көкөт» (мистер КВН) — Четвертаков Ярослав; «Мисс Кун Кулуу» (мисс КВН)- Миронова Сардаана; Үһүс үрдэл — Шеяттан «О5очоостор» хамаанда. Иккис үрдэл — Маар Күөлтэн «ЭСТА» хамаанда. Бастакы үрдэл — Тойбохойтон «Уу-чукуруктар».
Кылаан Кыайыылаах — Күндэйэ «Кун Дьоно» хамаандата.
Кытааччылар бары кыайыы көтөллөнөн үөрэн-көтөн тарҕастылар. Улуустааҕы күрэх тэрээһинигэр уонна ыытыытыгар күүс-көмө буолбут «СунАМП» эдэр педагогтарыгар — Васильев С.С., Попов П.А., Тихонов Т.В., Назарова Нь.Я., Семенова Л.Ю., дьүүллүүр сүбэҕэ, спонсордарбытыгар А.А.Константиноваҕа, Е.П. Иванова-Дойдуунаҕа, 1№дээх оскуола кыргыттарыгар уонна бэйэбит выпускниктарбыт — 3№дээх оскуола үөрэнээччилэригэр улахан махталбытын тириэрдэбит.
