Ыам ыйын 7 күнүгэр Сунтаар улууһугар Аҕа дойду Улуу сэриитин кыттыылаахтарыгар аналлаах өйдөбүнньүк бэлиэ үөрүүлээх быһыыга-майгыга аһылынна. Бу пааматынньык сэрии ыар кыргыһыытын туораан, үүнэр көлүөнэни иитиигэ уонна үөрэтиигэ бэйэлэрин кылааттарын киллэрсибит хорсун хоодуот фронтовик-учууталларга ананна. Сунтаарбыт улууһуттан 131 буойун учуутал үтүө үгэстэрин уонна дьулуурдарын көрдөрөн, Аҕа дойдуларыгар ытыктабылларын бигэргэппиттэрэ. Кинилэр муударай сүбэһит эрэ буолбакка, дьиҥнээх патриот быһыытынан бэйэлэрин көрдөрбүттэрэ: баҕа санаа өттүнэн тылланан фроҥҥа барбыттара, тыылга умса үлэлээбиттэрэ, өлбүт саллааттар дьиэ кэргэттэригэр сурук суруйалларыгар көмөлөспүттэрэ.
Бэлиэни оҥорууга Сунтаардааҕы лиссиэй үөрэнээччилэрэ уонна учууталлара үтүө дьоммут ааттарын харыстааһыҥҥа дууһаларын ууран үлэлээбиттэрэ. Кинилэр үлэлэрэ улуус историятыгар букатыннаахтык сүгүрүйүү быһыытынан киирдэ. Күн бүгүн, историяҕа суруллубуту өлбөөрдөр, сыыһа өйдөбүлү ыытар, киэҥ араҥаны бутуйар кэмнэригэр маннык дьаһаллар ыытыллаллара олус наадалаах.
Аһыллыы сиэригэр-туомугар Сунтаар улууһун дьаһалтатын бэрэстэбиитэллэрэ, педагогическай үлэ бэтэрээннэрэ, оскуола оҕолоро уонна олохтоохтор кытыннылар. Мустубут дьон дьоруойдары кэриэстээн, сибэккилэри уурдулар.
«Фронтовик-учууталлар – бу хорсун быһыы уонна тулуур үтүө холобурдара. Кинилэр биһиги дойдубутун көмүскээн, кэскилин түстээбит дьону иитэн-үөрэтэн таһаарбыттара. Бу үтүө үлэ буойун-учууталларга ытыктабылы эрэ биллэрии быһыытынан буолбакка, билиӊӊи көлүөнэҕэ кэриэс кэриэтэ», — диэн үөрэх салалтатын салайааччыта Борис Васильев бэлиэтээтэ.
Өйдөбүнньүк бэлиэ улуус хас биирдии олохтооҕо уонна ыалдьыттара дьоруой-учууталларга ытык иэстэрин биэрэллэригэр Албан аат болуоссатыгар турда.
