Бүлүү куоракка бэс ыйын 12 – 13 күннэригэр «Естественнонаучнай үөрэхтээһин кыһалҕалара уонна үтүө түмүктээх улэ практикалалара» диэн тиэмэнэн Бүлүү бөлөх уонна Горнай улуустарын үөрэҕин үлэһиттэригэр V-c төгүлун ыытыллар Сайыҥҥы методика оскуолата диэн тэрээһин буолан ааста. Сыала-соруга: физика, математика, айылҕа, экология уонна агро-хайысхаларынан таһаарылаахтык иитиигэ-үөрэтиигэ опыт, санаа атастаһыыта, саҥа сүүрээннэри көрдөөһүн, сүбэлэһии.
Тэрээһини сүрүннээн ыытарга өрөспүүбүлүкэҕэ биллэр бастыҥ үлэлээх оскуолалар салайааччылара, физика учууталлара, үөрэх хаачыстыбатын сайыннарар институттар үлэһиттэрэ, Москваттан, Благовещенскайтан, АГАТУ-ттан салайааччылар, идэлээх үлэһиттэр лекция ааҕан, курстары ыыттылар, учууталлар квалификацияларын үрдэтии тэрилиннэ. Маны таһынан элбэх аһаҕас уруоктар, маастар-кылаастар ыытылыннылар.
Спикердэргэ, холобура, Москваттан Международнай дошкольнай педагогическай Академия проректорын көмөлөһөөччүтэ, үөрэх хаачыстыбатын эксперэ, старшай преподаватель Селецкая Татьяна Васильевна, Амур уобалаһын үөрэҕи сайыннарыыга Институтун дириэктэри солбуйааччыта Толпыго Ольга Витальевна, А.Г., Н.К. Чиряевтар ааттарынан ЯГНГ физикаҕа учуутала, физикаҕа ЕГЭ эппиэттэрин эксперэ Семенов Андрей Андреевич, эмиэ өрөспүүбүлүкэ физика5а бастыц учуутала, ГИА эксперэ Малгаров Иннокентий Иннокентьевич; АГАТУ эбии үөрэхтээһиҥҥэ институтун дириэктэрэ Скрябина Нюргуяна Михайловна уо.д. а. кэлэннэр, сайыҥҥы методика оскуолатын таһымын үрдэттилэр. Бу спикердэр хас биирдии дьарыктаныылары, опыты үллэстиини ырыттылар, сыанабыл оҥордулар, сүбэлээтилэр, салгыы үлэлэһэргэ санааларын эттилэр.
Сунтаарбыт улууһуттан 33 киһилээх улахан дэлэгээссийэ тиийэн, таһаарыылаахтык кытынныбыт. Улууспутуттан физика, химия уонна биология учууталлара Б.Н.Егоров аатынан Кундэйэ, И.С.Иванов аатынан Сунтаар 2 №, Бордоц, Сунтаар санаторнай оскуолаларыттан алын кылаас учуутала аһаҕас интегрированнай уруоктары биэрдилэр, сэргэх проектарын билиһиннэрдилэр; «Точка роста» кабинеттары туһаныыга, оҕону чинчийэр үлэҕэ көҕүлээһиҥҥэ, агро-хайысханан саҥалыы үлэлээһиҥҥэ сүрдээх кэрэхсэбиллээхтик, таһымнаахтык кыттыбыттарын форум салайааччылара, спикердэр, кыттааччылар тоһоҕолоон бэлиэтээтилэр. Сунтаар 4 №-х «Березка» уһуйаантан иитээччилэр сэргэх дьарыктаныыны көрдөрбүттэрэ эмиэ бэлиэтэннэ.
Оскуола салайааччыларын былаһааккатыгар Б.Н.Егоров аатынан Күндэйэ, С.А.Зверев аатынан Түбэй Дьаархан, Сунтаар 3 №, Г.Т. Семенов аатынан Хадан, В.Ф.Абрамович аатынан Уустуйа, Илимниир оскуолаларын дириэктэрдэрэ, Күндэйэттэн дириэктэри иитэр-үөрэтэр үлэҕэ солбуйааччылар Саввинова Снежана Ефимовна, Андреева Таисия Ильинична, Сунтаар М.И.Герасимов аатынан санаторнай оскуола дириэктэри солбуйааччыта Данилова Ольга Анатольевна кытыннылар.
Саамай көхтөөх уонна дириҥ ис хоһоонноох кыттыыны Күндэйэ оскуолатын 10 киһилээх дэлэгээссийэтэ ылла, манна оскуола салайааччылара Лазарева О.Ю., кини солбуйааччылара, педагогтар уонна производственнай үлэ маастардара бары быһаччы ситиһиилээхтик уруоктары, маастар-кылаастары ыытан, бырайыактары кэпсээн, опыттарын көрдөрөн, санааларын үллэһиннилэр.
Бүлүү үөрэххэ салалтатын үлэһиттэрэ эрдэттэн сүүрэн-көтөн, хонук сирдэргэ табыгастаахтык олохтоон, тэрээһиннээхтик көрүстүлэр. Биһиги үөрэхпит салалтатыттан кыттааччылары иилээн-саҕалаан илдьэ сырыттылар үөрэх салалтатын начаалынньыгын солбуйааччыта Уаров В.В., информация уонна методика салаатыттан Жиркова Т.Т., оскуола иннинээҕи саастаах оҕолору иитии салаатыттан Павлова Н.С.
