Үөрэхтээһини салайыы муниципальнай органа тэриллибитэ 95 сылыгар аналлаах тэрээһин «Ценностные ориентиры современного образования» диэн тирээн турар суолталаах тиэмэнэн дьүүллэһиигэ улуус үөрэҕириитин үлэһиттэрин түмтэ.
Тэрээһин Сунтаар улууһун үөрэҕин салалтатын 95 сылыгар, Кириэстээх оскуолатын 125 сылыгар, Элгээйи оскуолатын 150 сылыгар аналлаах үөрэх түмэлин быыстапкатыттан саҕаланна.
Мунньах үлэтин Сунтаар улууһун баһылыгын социальнай боппуруостарга уонна имиджевай политикаҕа солбуйааччы Альберт Иванов салайан ыытта. Сунтаар улууһун баһылыга Анатолий Григорьев мустубут дьоҥҥо эҕэрдэ тылын эттэ уонна бүтүн педагогическай уопсастыба сыралаах үлэтин иһин махталын биллэрдэ. Кини биэс сылга хайдах үлэ барыахтааҕын, ханнык хайысхаҕа болҕомто ууруллуохтааҕын бэлиэтээн ааста.
Мунньах ураты түгэнинэн Саха Өрөспүүбүлүкэтин үөрэҕин уонна наукатын миниистирэ кыттыыта буолла. Нюргуна Соколова бэйэтин этиитигэр үөрэх тиһигин уратылаах соруктарын бэлиэтээтэ, Сунтаар педагогтарыгар үрдүк көрдөрүүлэрин иһин махтанна уонна үөрэх салалтатын кэллэктиибин үбүлүөйдээх сылынан эҕэрдэлээтэ.
Улууспутугар үөрэхтээһин туругун уонна сайдыытын кэскиллэрин туһунан үөрэх салалтатын салайааччыта Борис Васильев дакылаат оҥордо. Кини ситиһиллибит түмүктэри дириҥ ис хоһоонноох үгэс буолбут сыаннастары бөҕөргөтүүгэ уонна инновационнай сыһыаннары киллэриигэ олоҕуран үөрэх дьылыгар аналлаах үлэ вектордарын бэлиэтээтэ.
Ону таһынан, интэриэһинэй уонна ис хоһоонноох дакылааттары Жатайдаа5ы техникум салайааччыта Владимир Тихонов уонна Олег Сосин, Сунтаардааҕы политехническай лиссиэй дириэктэрэ оҥордулар.
Быйыл үөрэх тэрилтэлэригэр үлэлии кэлбит эдэр педагогтары чиэстээһин сиэрэ-туома тэрээһин үөрүүлээх түгэнинэн буолла. Салайааччылар ааттарыттан Сунтаардааҕы коррекционнай оскуола дириэктэрэ Анисия Семенова харда тылын эттэ.
Бу курдук, пленарнай мунньах Балаҕан ыйынааҕы сүбэ мунньах былаһааккалара салгыы үлэлииллэригэр үрдүк профессиональнай таһымы туруорда.
