Алтынньы 3 күнүгэр тапталлаах оскуолабыт төрүттэммитэ 125 сылын бэрт хабааннаахтык уонна үрдүк таһымнаахтык бэлиэтээтибит. Ыраахтан-чугастан уопсайа 100 ыалдьыт кэлэн үөрүүбүтүн үллэһиннэ. Олор быыстарыгар Сунтаар улууһун А5а баһылыга Анатолий Васильевич Григорьев, улуус үөрэҕин салалтатын салайааччыта Борис Николаевич Васильев, биһиги бэтэрээн учууталларбыт Михаил Аввакумович Усов, Валентина Афанасьевна Платонова, Наталья Егоровна Васильева, убаастыыр киһибит Павел Васильевич Васильев, улуус нэһилиэк тэрилтэлэрин салайааччылара уонна араас сыллардаа5ы выпускниктарбыт, бииргэ үлэлээн ааспыт коллегаларбыт.
Өрөгөйдөөх үбүлүөйгэ оскуолабыт иһигэр ыраахтан-чугастан кэлбит ыалдьыттарга араас тэрээһиннэр буолан аастылар. Ол курдук түмэлгэ оскуола историятын, о5олор оңоһуктарын быыстапкалара, урукку-хойукку хаартыскалар араастара уонна кыратыттан улаханыгар дылы оҕолор көмөлөрүнэн оскуола иһигэр экскурсия тэрилиннэ.
Бу күн оскуолабытыгар туус хоһо үөрүүлээх аһыллыыта буолла
125 сылбытыгар анаан улууспут А5а быһылыга Анатолий Васильевич Григорьев бэлэх уунна
Туус хоһо (галотерапия) киһи тыынар систиэмэтигэр, иммунитеты көтөҕөргө уонна уопсай туругу бөҕүргэтэргэ туһалааҕа киэңник биллэр.
Маны таһынан “Сырдыкка сирдээччи” учуутал аллеята үөрүүлээх быһыыга-майгыга аһылынна
Скверы Сунтаар үөрэҕин салалтатын салайааччыта Борис Николевич Васильевич, оскуолабыт урукку дириэктэрдэрэ Михаил Аввакумович Усов, Павел Васильевич Васильев, оскуолабыт выпускнига, нэһилиэкпит биир тутаах олохтоо5о Тимур Михайлович Ордахов итиэннэ дириэктэр Евгений Борисович Тараяров кыһыл лиэнтэни кырыйан астылар. Стиэндэ5э урут-хойут үлэлээн ааспыт бэтэрээн учууталларбыт ааттара көмүс буукубанан сурулунна. Ону таһынан сквер анаан-минээн учуутал күнүгэр аһыллыбыта биһигини икки бүк үөрдэр.
Бу үөрүүлээх күңңэ биһиги оскуолабыт саламтата, учууталлара, үлэһиттэрэ өр кэмнээҕи сыралаах үлэлэрэ үрдүктүк сыаналанан Россия, Саха Өрөспүүбүлүкэтин, улуус таһымнаах наҕараадаларынан бэлиэтэннилэр
Бука барыгытыгар өссө төгүл эҕэрдэ!
