Манна барыта 11 улуустан 37 эдэр спортсмен икки күн устата күөн көрүстүлэр: ыстаныы, тутум эргиир, хапсаҕай, тутум эргиир, мас тардыһыыта, кириэс тэбии, хабылык уонна хаамыска.
Сунтаарбыт улууһуттан Кутана оскуолатын 11 кылаас үөрэнээччитэ Николай Иванов мас тардыһыытыгар 1-ы, хапсаҕайга 2-с, бэйэни билиһиннэриигэ 2-c буолан түмүккэ Абсолютнай кыайыылаах аатын ылла (тренер Архипов В.Н.). Бордоҥтон 9 кылаас үөрэнээччитэ Анеля Удина хабылыкка, хаамыскаҕа үһүс буолла. Кундэйэ оскуолатын 10 кылаас үөрэнээччитэ Тимур Иванов — мас тардыһыытыгар бастакы миэстэ.
Саха төрүт оонньуулара киһи күүһүн-уоҕун, сымсатын тургутар. Бу бэстибээл сүрүн сыала үүнэр көлүөнэни спортка сыһыарыы, саха төрүт үгэһин тарҕатыы буолар. Оҕолорбутун үрдүк ситиһиилэринэн истинник эҕэрдэлиибит, инникитин үрдүк дабайыылары, чэгиэн буолууну баҕарабыт. Оҕолору дьарыктаан, салайан илдьэ сылдьыбыт Күндэйэ оскуолатын физкультураҕа учууталыгар Михаил Макаровка, Кутана оскуолатын дириэктэригэр Владимир Архиповка туспа махталбытын тиэрдэбит.
