Алтынньы 21 күнүгэр “Оһуокайдаан ойуохха – эһиэкэйдээн тэйиэххэ!” диэн өрөспүүбүлүкэтээҕи көрүү күрэс улуустааҕы түһүмэҕэр Арыылаахтан, Аллыҥаттан, Тойбохойтон, Илимнииртэн, Сунтаартан эдэр оһуокайдьыттар ох курдук оҥостон кэлэн илин-кэлин түһүстүлэр.
Тэрийээччилэр:
— С.А. Зверев — Кыыл Уолун аатынан улуустааҕы норуот айымньытын киинэ;
-Сунтаар улууһа (оройуона) МО үөрэҕин салалтата;
— Н. М.Родионова аатынан Сунтаардааҕы оҕо дьоҕурун сайыннарар киин;
— А.П.Павлов аатынан Сунтаардааҕы 1 №-дээх орто оскуола.
Дьүүллүүр сүбэҕэ Тараярова Мария Афанасьевна, С.А.Зверев Кыыл Уолун аат. улуустааҕы норуот айымньытын киинин фольклорга салаатын сэбиэдиссэйэ, Яковлева Александра Аркадьевна, С.А.Зверев Кыыл Уолун аат. улуустааҕы норуот айымньытын киинин фольклорга сүрүннүүр исписэлииһэ, Колесова Зинаида Анатольевна, А.П.Павлов аат. Сунтаар 1 №-дээх орто оскуола музыкаҕа учуутала, Чирикова Екатерина Егоровна, Сунтаар улууһун үөрэҕин салалтатын иитии уонна эбии үөрэхтээһин салаатын сүрүннүүр исписэлииһэ үлэлээтилэр.
Күрэс сүрүн сыала-соруга: Саха сирин киэн туттуутун оһуокайы сайыннаран, кэлэр үүнэр көлүөнэҕэ тиэрдии, оҕо оһуокайыгар сайдар кыах биэрэн түһүлгэлэри утумнаахтык тэрийии;
-Төрөөбүт тылы баһылааһын, ийэ тылга таптал, дьүөрэ тылынан сатаан саҥарыы, хомоҕойдук тута хоһуйар дьоҕуру сайыннарарга олук ууруу.
2025 сыллаах оһуокай – Аҕа дойду Улуу сэриитигэр Кыайыы 80 уонна Ийэ дойдуну көмүскээччи сылларыгар ананна.
Сунтаар улууһун үөрэҕин салалтатын иитии уонна эбии үөрэхтээһин салаатын сэбиэдиссэйэ Александра Семеновна Павлова эҕэрдэ тылыгар үөрэнээччилэр Олоҥхо дойдутун Сунтаар кэнчээри кэскиллэрэ хас оптуорунньук аайы оһуокайдыыр, оһуокай тылын этэр, кынат буолан үтүктэр үөрүйэхтэрин өссө чочуйан, этэр тыыннара уһаан, хомоҕой хоһоонноох буоларыгар эрэнэн туран кыттааччыларга ситиһиини баҕарда.
Икки бөлөҕүнэн 18 оһуокайдьыт араас тиэмэҕэ- Кыайыы 80 сылыгар, С.А.Зверев-Кыыл Уолун 125 сылыгар, төрөөбүт дойдуга тапталы, бэриниилээх буолууну дьүһүйэр тыллардаах оһуокайы оройуттан туттулар уонна түмүк маннык буолла.
7-11 саастаахтарга 1 үрдэл – Вальдимар Иванов Л.А.Попов аат. Арыылаах агрохайысхалаах оскуола 6 кыл. үөрэнээччитэ (уус-уран сал. Наумова Н.Ф.), 2 үрдэл – Васильев Дима, Г.Е.Бессонов аат. Тойбохой орто оскуола 3 кыл. үөрэнээччитэ (уус-уран сал. Васильева Д.К., Прокопьева Л.П.), 3 үрдэл – Васильев Дыгын Л.А.Попов аат. Арыылаах агрохайысхалаах оскуола 5 кыл. үөрэнээччитэ (уус-уран сал. Никифорова Л.С.)
12-17 саастаахтарга 1 үрдэл – Яковлев Айылаан, бырааттыы Кырбасовтар аат. Аллыҥа орто оскуола 9 кы. үөрэнээччитэ (уус-уран сал. Амонова М.В.), 2 үрдэл – Громова Сайаана, А.П.Павлов аат. Сунтаар 1 №-дээх орто оскуола 8а кыл. үөрэнээччитэ, 3 үрдэл – Тихонов Федор бырааттыы Кырбасовтар аат. Аллыҥа орто оскуола 7 кыл. үөрэнээччитэ (уус-уран сал. Амонова М.В.)
Аны алтынньы 29 күнүгэр Элгээйи түөлбэ оскуолаларын эдэр оһуокайдьыттара А.А.Иванов-Күндэ аат. Кутана орто оскуолатыгар оһуокайдаан ойуохтара, эһиэкэйдээн тэйиэхтэрэ.
Айна Яковлева.
