Маннык тус сыаллаах Улуу Кыайыы 80 сылыгар аналлаах «Они сражались за Родину» научнай-практическай конференция бүгүн Сунтаардааҕы гимназияҕа муниципальнай түһүмэҕэ ситиһиилээхтик буолан ааста. Манна улуус оскуолаларыттан сүүмэрдээһини ааспыт барыта 69 5-11 кылаас үөрэнээччитэ кыттыыны ылла.
Тэрээһин үөрүүлээх аһыллыытын кэнниттэн үөрэх салалтатын исписэлиистэрэ, история уопуттаах учууталлара киирбит экспертнэй хамыыһыйа иннигэр үс секциянан таһарыылаах үлэ саҕаланна. Маҥнайгы секцияҕа эдэр чинчийээччилэр Улуу Аҕу дойду сэриитигэр дьиэ кэргэннэрин историятыттан кэпсээтилэр. Иккискэ Кыайыыны уһансыыга Өрөспүүбүлүкэ уопсай кылаатын арыйан улэлэрин көмүскээтилэр. Үһүс секцияҕа искусство араас көрүҥнэрин уонна аныгы технологиялар нөҥүө Улуу сэрии историческай өйдөбүлүгэр айар-чинчийэр бырайыактар көрүлүннүлэр.
Үлэлэр тиэмэлэрин дириҥэ, чинчийии тутулуга, методолигическай грамотноһа, практическай суолталара сыаналаннылар. Муниципальнай түһүмэх эдэр чинчийээччилэргэ улахан суолталаах хардыы буолла. Экспертэр талбыт бастыҥ үлэлэрэ 2025 сыл ахсынньы 6 күнүгэр Дьокуускайга буолар Өрөспүүбүлүкэтээҕи сүүмэрдээһиҥҥэ көрүллүөхтэрэ. Онтон финал кыайыылаахтара В.П. Ларионов «Инникигэ хардыы” эдэр чинчийээччилэр аатырбыт куонкурустарыгар путевка иһин күрэстэһиэхтэрэ.
Маннык конференция аҥардас куоҥкурус эрэ буолбакка, историческай чахчылары уонна көлүөнэлэр утумнаах буолууларын харыстааһыҥҥа дьоһун суолталаах үлэ, өбүгэлэрбит сүдү хорсун быһыыларыгар сүгүрүйүү биллэриитэ буолар. Күн бүгүн, историяҕа суруллубуту өлбөөрдөр, сыыһа өйдөбүлү ыытар, киэҥ араҥаны бутуйар кэмнэригэр маннык дьаһаллар ыытыллаллара олус наадалаах.
