Олунньу 6 күнүгэр С.А. Зверев-Кыыл Уолун аатынан Сунтаардааҕы норуот айымньытын киинигэр үөрэх тэрилтэлэрин салайааччыларын кинигэлэрэ сүрэхтэниитэ үөрүүлээх быһыыга-майгыга ыытылынна.
🔻 Сунтаардааҕы гимназия дириэктэрэ Любовь Евсеева көҕүлээһининэн тахсыбыт кинигэ оскуола дириэктэрдэрин ураты ыстатыйаларын, эсселарын уонна хомуурунньуктарын түмтэ.
Тэрээһин кэмигэр ааптардар хомуурунньук айыллыбыт историятын үллэстэн, бу үлэ бастыҥ практикалары атастаһыы түмүгэ буоларын бэлиэтээтилэр. Кыттыылаахтар ыйытыыларын биэрдилэр, санааларын үллэһиннилэр.
🔻 Салайааччы киһи кэнэҕэски көлүөнэ, ол аата, бүттүүн уопсастыба инники олоҕор акылааты уурар. «Аан дойду аартыга — оскуола» кинигэ хас биирдии сирэйэ ис сүрэхтэн үлэнэн үлүһүйүүнү, дириэктэр идэтигэр бэриниилээх буолууну көрдөрөр. Үтүө үлэ мындыр өйдөөх лидер дьону сырдатыынан эрэ муҥурдаммакка, салайар үлэҕэ суолдьут сулус буолуо диэн эрэнэбит.
