Үөрэнээччилэр техническэй айар үлэлэрин декадата түмүктэннэ. Н.М. Родионова аатынан оҕо айымньытын киинигэр ыытыллыбыт куонкуруска улуус 16 оскуолатыттан уонна эбии үөрэхтээһин тэрилтэлэриттэн барыта 167 үөрэнээччи кыттыыны ылла.
«Робофутбол» дисциплинаҕа Ярослав Тарасов уонна Айлаан Потапов (СГ, СЦДТ) састааптаах «Гимназия» хамаандата кыайыыны ситистэ.
Быйыл көтөр дроннары салайар күрэхтэһии ураты интэриэһи үөскэттэ, манна Кутана оскуолатыттан Дамир Васильев бочуоттаах бастакы миэстэни ылла. Иккис миэстэ эмиэ Кутана оскуолатын үөрэнээччитигэр Даниил Александровка тигистэ, үһүс миэстэни Сахамин Иванов (Кутана) ылла. Радионан салайыллар массыыналар күрэхтэһиилэригэр муҥутуур кыайыылааҕынан Богдан Павлов (6 кл, СГ, СЦДТ), онтон алын сүһүөх үөрэнээччилэрин ортолоругар (1-2 кылаас) бастыҥ көрдөрүүнү Сунтаар алын сүһүөх оскуолатыттан Святослав Прокопьев көрдөрдө, (3-4 кылаас) — Вильяндр Догойдонов, СНОШ.
Counter-Strike (CS) тыҥааһыннаах финалыгар кыайыыны А.П. Павлов аатынан Сунтаар 1 №-дээх орто оскуолатын хамаандата ситистэ.
«IT lifehack» диэн интерактивнай былаһааккаҕа лидеринэн Ратмир Мокутов (9 кыл., СГ, СЦДТ) Петр Николаев салалтатынан туруорбут бырайыактара буолла.
Цифровой уруһуйдар «KUT.Ai» быыстапкаларыгар орто саастаах бөлөххө Михаил Крылов (СПТЛ-И, СЦДТ) үлэтэ бастыҥынан биллэрилиннэ, онтон үрдүкү кылаас оҕолорун ортотугар бастакы миэстэни Сайаана Максимова (ССОШ №1, СЦДТ) ылла.
«Үөрэнээччилэр научнай-техническэй айар үлэлэрэ» (НТТУ) 24 үлэ көрүлүннэ. «Инновационный проект» блокка жюри «Самодельный пылесос» оҥорбут СПТЛ-И үөрэнээччитин Айса-Виктория Яковлеваны бэлиэтээтэ. «Инженернай бырайыак» блокка кыайыылааҕынан Аскалон Карамзин буолла. «Робототехника» блокка Артур Тихонов уонна Роман Иванов (СПТЛ-И) «Лего NXT 2.0 Өйдөөх бөх дьааһыга» бырайыактара бастыҥынан биллэрилиннэ.
Аҕа дойдуну көмүскээччи күнүн көрсө «Мой тихий островок, сердцу милый уголок» диэн видеороликтар онлайн-куонкурустарын үлэлэрин түмүгэ таҕыста. Кыра бөлөххө Күндэйэ оскуолатыттан Байдам Гурьев, орто бөлөххө Сунтаар 1 №-дээх оскуолатыттан Денис Иванов бастаатылар, онтон үрдүкү кылаас оҕолоругар Иван Семенов видеоролига (СПТЛ-И, СЦДТ) бастыҥ ааты ылла.
Техническэй айар үлэ нэдиэлэтин түмүгүнэн үөрэх тэрилтэлэрин рейтиннэрэ оҥоһулунна. Муҥутуур кыайыылааҕынан Сунтаар политехническай лицей-интернат таҕыста. Бочуоттаах иккис миэстэни Н.М. Родионова аатынан Сунтаардааҕы оҕо дьоҕурун сайыннарар киин ылла, В.Г. Павлов аатынан Сунтаар алын сүһүөх оскуолата үһүс миэстэҕэ тигистэ. Тэрийээччилэр бары кыттааччылары, кыайыылаахтары үтүөлээх наҕараадаларынан эҕэрдэлииллэр уонна талааннаах үөрэнээччилэри бэлэмнээбиттэрин иһин педагогтарга махталларын биллэрэллэр. Саҥа кыайыылары, айар ситиһиилэри баҕарабыт!
