⚜Мин аатым Туйаарыма Игнатьева. В.Г. Павлов аатынан Сунтаардааҕы алын сүһүөх оскуолатыгар 3-с д кылааһыгар үөрэнэбин.
Иллэҥ кэммэр уруһуйдуурбун, хоруоҥка тиһэрбин, ас астыырбын олус сөбүлүүбүн. Үөрэнэрим таһынан оҕо дьоҕурун сайыннарар киин модельнай устуудьуйатыгар дьарыктанабын. Уһуйааччым аата — Вера Семеновна Зоммер.
Бэҕэһээ “Ай-Куо-2026” диэн оскуола үөрэнээччилэрин ортотугар ыытыллар улуустааҕы эдэр модельердар күрэстэригэр “Модель” уонна “Фотомодель” диэн номинацияларга аан бастакытын кытынным. Долгуйбутум, улахан кылаас кыргыттарын кытта сценаҕа тэҥҥэ хаампытым, араастык туттан-хаптан, кинигэлээх, устуулга олорон, туран, сырдык уоттаах камера иннигэр хаартыскаҕа түспүтүм.
Күрэс түмүгүнэн “Көрөөччү биһирэбилэ” диэн анал ааты уонна “Ай-Куо-2026” статуэтканы бэлэх ыллым.
Туйаарыма ИГНАТЬЕВА, Сунтаар.
