Бордоҥ орто оскуолатыгар хас нэдиэлэ аайы чэппиэр күнүгэр уус-уран литератураны, кинигэни пропагандалааһыҥҥа, ааҕыыны көҕүлээһиҥҥэ, үөрэнээччи өй-санаа, кут-сүр, сиэр-майгы өттүнэн сайдыытыгар туһуламмыт сыаллаах-соруктаах Сунтаар улууһун үөрэҕириитин салалтатын Библиотечнай марафон диэн бырайыагынан үөрэх дьыла саҕаланыаҕыттан ааҕыы тэрээһиннэрэ тиһигин быспакка былааннаахтык ыытыллаллар. Бырайыак тэрээһиннэрэ оскуола иитэр үлэтин былааныгар олоҕуран, предметнэй нэдиэлэлэргэ сөп түбэһэр тиэмэлэрдээх, ону тэҥэ улууспут, өрөспүүбүлүкэбит бэлиэ күннэригэр, суруйааччылар үбүлүөйдэригэр аналлаах ааҕыылары, оонньуулары, тэрээһиннэри, быыстапкалары көҕүлээтэ.
«Дойдум миэнэ – Сунтаарым», «Эргийдэ саһарбыт сэбирдэх..», «Моя Якутия», «Учитель на страницах книг», «Пусть всегда будет книга», «Сергей Есенин – певец русской природы», «Ийэҕэ таптал тылларын анаан…», «Сэтинньи – Байанай ыйа», «Великие художники», «Олоҥхо – уус-уран норуот айымньытын чыпчаала», «День героев Отчества», «Амма Аччыгыйа – оҕолорго», «Сунтаардар – Аҕа дойду көмүскэлигэр», «21 марта – всемирный день поэзии» уо.д.а. тиэмэлэргэ оскуола бибилэтиэкэтигэр кинигэ быыстапкалара тэриллибиттэрэ.
Интеллектуальнай оонньуулар, викториналар «Познай свою Якутию», «Байанай», «Магия книги» квест-оонньуу, «Олоҥхо» квилт, «Зимние сказки» адвент-халандаар, «Туос», «ҺӨҔҮҤ», «Саха төрүт аһын төһө билэҕин?», “Билим”, “Книги в кино” ыытылыннылар. Бырайыак чэрчитинэн ааҕыы тиэмэлэринэн аттарыллан ыытылынна. Ол курдук, алын кылаас үөрэнээччилэригэр «Мин сатаан ааҕабын», «Остуоруйа алыптаах дойдута», «Кэрэтиэн дойдум айылҕата» сахалыы хоһооннору ааҕыы, «Тоҕус төгүл тоҕо?» Амма Аччыгыйа, «Туораах» Күндэ, «Чэгиэн-чэбдик буолуохха» П. Тобуруокап, «Любимые стихи» Агния Барто, «Журнальный калейдоскоп» сахалыы, нууччалыы оҕолорго аналлаах журналлары ааҕыы. Орто уонна үрдүкү кылаас оҕолоругар: “Библиотека в чемодане”, “Олоҥхону бииргэ ааҕабыт”, “Лирика С.Есенина”, “Арый. Аах” саха суруйааччыларын айымньыларын ааҕыы, “Сказки М.Салтыкова-Щедрина”, “Стихи, чарующие строки” нуучча поэттарын хоһооннорун ааҕыы, «Это интересно» энциклопедияны, справочнигы кытта үлэ. Айар үлэлэр тэрээһиннэрэ ыытылынна: «Тоҕус төгүл тоҕо» айымньынан уруһуй 1-4 кыл., «Сөбүлүүр суруйааччым мэтириэтэ» уруһуй 5-11 кыл., «Дьиэ кэргэним ытык мала» аман өс 1-11 кыл. «Кинигэттэн – театрга» оскуола библиотекатын бырайыага үлэлиир. «Ситим» оскуола театрын иитиллээччилэрэ суруйааччы Борис Васильев “А зори здесь тихие” айымньытын аахтылар уонна испэктээк туруордулар. Акциялар, библиотекаҕа көмөлөр, рейдэлэр буоллулар. «Библиотекаҕа кинигэтэ бэлэхтээ» акцияҕа 52 оҕо кытынна. «Каждой книжке – по обложке» үөрэнэр кинигэни кичэллээхтик тутарга рейдэни библиотека волонтердара 1-11 кылаастар үөрэнээччилэригэр ыыттылар, ону тэҥэ библиотекаҕа кинигэ үйэлээх буоларыгар абырахтааһын үлэлэрин тэрийдилэр. Уопсайа барыта 36 кинигэни чөлүгэр түһэрдилэр.
Анна Никитина, Бордоҥ
