Сунтаар улууһун үөрэҕириитин салалтатын уонна тус бэйэм ааппыттан Эйигин олоххор бэлиэ күңңүнэн, 65 сааскын туолбуккунан итиитик-истиҥник эҕэрдэлиибит!
Айымньылаах үлэҕит — үөрэҕирии эйгэтигэр үтүө холобур буолар. Эн педагогическай үлэҕин 1982 сыллаахха математика учууталынан саҕалаабытыҥ уонна оскуолаҕа 40-тан тахса сылгын анаабытыҥ. Үрдүк сатабылгар, муударай көрүүгэр уонна үлэҕэр бэриниилээх буолан, учууталтан саҕалаан оскуола директорыгар тиийэ, улуус профсоюһун хамсааһынын салайааччытынан ситиһиилээхтик үлэлээтиҥ. Үлэлиир сылларың тухары Эн элбэх көлүөнэ ыччаты иитэн таһаардыҥ, кинилэр ортолоругар бүгүн Эйигин утумнаан учууталлыыр, өрөспүүбүлүкэҕэ уонна улууска эппиэттээх дуоһунастарга үлэлии сылдьар дьон элбэхтэр. Үөрэҕирии эйгэтигэр киллэрбит кылаатыҥ үрдүктүк сыаналанан «Саха Өрөспүүбүлүкэтин үөрэҕириитин туйгуна», «Саха Өрөспүүбүлүкэтин учууталларын учуутала» бэлиэлэринэн, «СӨ Педагогтарын династията» бэлиэтинэн наҕараадаламмытыҥ. Эн аатыҥ Сунтаар улууһун педагогическай албан аатын кинигэтигэр киллэриллибитэ, Сунтаар нэһилиэгин Бочуоттаах олохтооҕо буолаҕын.
Эн талааннаах педагог уонна салайааччы эрэ буолбатаххын, Эн — көхтөөх олохтоох киһигин. Улуус общественнай олоҕор мэлдьи инники күөҥҥэ сылдьаҕын: эр дьон вокальнай ансаамбылын салайыы, спортка (шахмат, волейбол, мас тардыһыыта) ситиһиилэр, быыбардыыр хамыыһыйаҕа үлэ — ити барыта Эйигин күүстээх санаалаах, дьоҥҥо туһалыыр баҕалаах киһи быһыытынан көрдөрөр. Үлэһиттэр, үөрэнээччилэр уонна төрөппүттэр ортолоругар улахан ытыктабыллааххын.
Бу үөрүүлээх күҥҥэ Эйиэхэ кытаанах доруобуйаны, дьиэ кэргэҥҥэр этэҥҥэ буолууну, сылаас сыһыаны баҕарабыт. Аттыгар мэлдьи эрэллээх доҕотторуҥ, тапталлаах чугас дьонуҥ уонна махталлаах үөрэнээччилэриҥ баар буоллуннар!
Сунтаар улууհун үөрэӄин салалтатын салайааччыта Б.Н. Васильев
