Муус устар 10 күнүгэр Күндэйэҕэ бэһис төгүлүн алын кылаас үөрэнээччилэригэр улуустааҕы «Өбүгэ оонньуулара» үрдүк таһымҥа ыытылыннылар. Өбүгэ оонньууларын 2022 сылтан иилээн-саҕалаан Б.Н.Егоров аатынан Күндэйэ орто оскуолатын учуутала Михаил Макаров бэһис сылын ыытар. Уопсайа 11 оскуолаттан 54 оҕолор кытыннылар. Тэрээһин биэс түһүмэхтэригэр: кириэс тэбиигэ, ойбонтон уулааһыҥҥа, көтөх ынаҕы туруорууга, биэс төгүл ойууга, тутум эргииргэ тыҥааһыннаах күрэстэһиилэр буоллулар.
Көрүҥнэр түмүктэринэн муҥур кыайыылаах үрдүк аатын В.М.Анисимов аатынан Түбэй орто оскуолатын үөрэнээччилэрин хамаандата ылла. Иккис миэстэ-А.К.Акимов аатынан Күүкэй орто оскуолатын, үһүс миэстэ-В.Г.Павлов аатынан Сунтаар алын сүһүөх оскуолатын үөрэнээччилэрин хамаандалара буоллулар. Алын кылаастан саҕалаан араас таһымнаах күрэстэргэ ситиһиилээхтик кыттыбыт, быйыл өрөспүүбүлүкэтээҕи национальнай многоборье күрэһигэр 3 миэстэни ылбыт Б.Н.Егоров аатынан Күндэйэ орто оскуолатын 7 кылааһын үөрэнээччитигэр Ефимова Эмилияҕа Сунтаар улууһун үөрэҕириитин управлениетын аатыттан махтал сурук туттарылынна.
