Сунтаар улууһугар сыл аайы Уустуйа нэһилиэгэр 10-с кылааһы бүтэрбит уолаттарга байыаннай үөрэхтээһин тэриллэр.
Уолаттар онус кылааһы бүтэрдилэр да байыаннай үөрэхтээһиҥҥэ хомуммутунан бараллар. Быйылгы үөрэхтээһиҥҥэ 98 уол кэлбититтэн 88 оҕо аармыйа олоҕун биллэ. Туйгун Гоголев үөрэх түмүгүнэн бастыҥ хамандыыр үрдүк аатын ылла, кини манна элбэххэ үөрэннэ, барытыгар чаһыы курдук буоллум диэн санаатын үллэстэр.
Биэс күннээх үөрэхтээһин салайааччылара, учууталлара үгүс нэһилиэктэн кэлэн үлэлэһэллэр. Үөрэх хомуурун салайааччыта Түбэйтэн Аркадий Архангельскай этэринэн сүүрбэччэ буолан бэрт түмсүүлээхтик, ситиһиилээхтик үлэлээтибит диир.
Сунтаар 3 нүөмэрдээх оскуолатын учуутала Семен Васильев манна бэһис сылын үлэлиир, былырыын взвод хамандыыра буоллаҕына быйыл рота хамандыыра буолбут. Бу үөрэх аармыйа олоҕун сүһэн ылан үлэлэтэр, оҕолор режимҥэ, дисциплинаҕа үөрэнэллэрин эттэ.
Бу маннык үөрэхтээһин уол оҕону аармыйа олоҕор бэлэмниир. Эһиил өссө манна Уустуйаҕа строевойынан хаамалларынар платс оҥоһуллара былааннанар.
ТУСКУЛААНА ГОРОХОВА-КОБЕЛЬЯНОВА
