Форум сүрүн сыала – элбэх омуктаах эйгэҕэ оҕолору үөрэтии бастыҥ практикаларын атастаһыы уонна национальнай тыллары, култууралары харыстааһын.
«Ньургуһун» уһуйаан иитээччилэрэ Василина Васильевна, Татьяна Михайловна, Туяра Сергеевна «Полилингвальнай предметно-пространственнай эйгэ» диэн секцияҕа полилингвальнай хайысханан үлэлиир уопуттарын үллэстиннилэр. Киһи элбэх буолан, круглый стол быһыытынан ыытылынна.
«Кыталык» оҕо сайдар киинин иитээччитэ Власова Светлана Андреевна «Мастерская педагогов: новые подходы, методики и технологии в работе с детьми и воспитателями по обучению родным языкам» диэн секцияҕа «Тоҕус мэнэ хамсаныы» – оҕо саастаах оҕолор этнокультурнай компетенцияларын үөскэтэр инновационнай технология быһыытынан – үлэтин билиһиннэрдэ.
«Сохранение языков и культуры народов» секцияҕа «Кыталык» оҕо сайдар киинин иитээччитэ Акимова Татьяна Анатольевна «Саха традиционнай олох-дьаһах улахан саастаах оҕолору норуот култууратыгар киллэрии ньымата» диэн тэмэлээх кэпсээтэ.
«Использование средств игр и упражнений народов России в физическом развитии детей дошкольного возраста» диэн тэрээһиҥҥэ физкультура инструктора Васильев Ю.А. «Оҕолору социализациялыыр мобильнай спортплощадка» диэн тиэмэлээх бэйэтин уопутун тарҕатта.
Бары үлэлэр саха норуотун тылын, култууратын, үгэһин тилиннэрэргэ уонна сайыннарарга аналлаахтар.
