Быыстапка саалатыгар киирээти кытта «Эйэ холууба» диэн дьэрэкээн туой ваза умсугутар. Бу оҥоһук Москваҕа тиийэ быыстапкаҕа турбута, билиҥҥи олоххо эйэни түстүүр ураты урамньы.
Диана Иванова — Туой ДИ 21 сыл устата Сунтаар лиссиэйигэр туойунан уранныыр урамньы уһуйааччытынан үлэлээн кэллэ. Бу сыллар усталарыгар дойдубут туойунан араас кэрэни оҥорууга уһуйбут ыччата олус элбэх. Диана — Саха сирин уус-уран оҥоһуктарын, Сунтаар улууһун норуотун маастара, улууспут эбии үөрэхтээһинин бастыҥ учуутала.
Кини Кириэстээх, Кэмпэндээйи туойуттан айбыта, оҥорбута үгүс. Ол иһигэр чорооннор, көһүйэлэр, кытыйалар, дьиэни, тулалыыр эйгэни кэрэтитэр оҥоһуктар. Бүгүн аһыллыбыт «Туой тойуга» быыстапкатыгар Диана ийэтин уруһуйдаабыт мэтириэтэ кэлбит дьону истиҥник көрсөр. Онтон айар үлэтэ арыллан туой тойуга эһигини айылҕаҕа ыалдьыттатыаҕа, кэрэни ыллыыргы сирдиэҕэ. Тэрээһиҥҥэ ыалдьыт олус элбэх, лиссиэй салайааччыта Олег Сосин этэринии: «Диана уһун үйэлээх оҥоһуктары айар дьарыгы өрө туппута хас да үйэлэри уҥуордаан биһиги материальнай культурабытын кэпсиэҕэ», — диэн этэрэ оруннаах. Быыстапка ыһыах кэмигэр кытта туран күндү көрөөччүлэрин үксэтиэҕэ. Бу күн Диана Ивановаҕа Сунтаар улууһун култууратыгар кылаатын иһин бэлиэ ттуттарылынна.Бу күн этиллибит үтүө тыллар күөттэнэн өссө да айа-тута тур!
Тускулаана ГОРОХОВА-КОБЕЛЬЯНОВА
