М.Н.Анисимов аатынан Сиэйэ орто оскуолатыгар «Кыайыыны салҕааччылар» бырайыак чэрчитинэн «Сүгүрүйүү вахтата» («Вахта памяти») акцияны түмүктүүр тэрээьин ыытылынна. Бу тэрээьиҥҥэ Аҕа дойду Улуу сэриитин ветерана Прокопий Афанасьевич Степанов кыттыыны ылбыта үөрүүлээх, долгутуулаах буолла. В.М. Анисимов аатынан Тубэй орто оскуолатын, П.Х.Староватов аатынан Элгээйи орто оскуолатын, А.А.Иванов-Күндэ аатынан Кутана орто оскуолатын, Уустуйа орто оскуолатын, А.К.Акимов аатынан Күүкэй орто оскуолатын үөрэнээччилэрэ, педагогтара кыттыыны ыллылар.
«Сүгүрүйүү вахтата» («Вахта памяти») акцияҕа үөрэнээччилэр, учууталлар нэьилиэктэринэн сэриигэ кыттыбыт биир дойдулаахтарын тустарынан көрдүүр үлэлэри ыыттылар. Бу үлэ түмүгүнэн Сунтаар улууьуттан Аҕа дойду Улуу сэриитигэр кыттыбыт биир дойдулаахтарбыт тустарынан сибидиэнньэлэр түмүллэн, санардыллан, мунньуллан мобильнай сыьыарыылар танылланнар оноьуллуохтаахтар. Ийэ дойдуларын көмүскээбит буойуттарбыт хорсун быьыыларынан, тыылга, үлэ фронугар үлэлээбит биир дойдулаахтарбытынан киэн туттабыт.
«Сүгүрүйүү вахтата» («Вахта памяти») акцияны түмүктүүр тэрээьин аьыллыытыгар тыл эттилэр: Сунтаар улууьун баьылыгын солбуйааччыта Еремеев Г.М., Сиэйэ нэьилиэгин баьылыгын солбуйааччыта Романов А.Н., Сунтаар улууьун үөрэҕириитин управлениятын специалиьа Павлова А.С., М.Н.Анисимов аатынан Сиэйэ орто оскуолатын директора Михайлов Г.Н. «Сүгүрүйүү вахтата» («Вахта памяти») акция координаторыгар Потапова Н.В. оскуолалар хамаандалара үлэлэрин отчуоттаатылар. «Кыайыыны салҕааччылар» бырайыак ааптара, салайааччыта Сунтаардааҕы Оҕо дьоҕурун сайыннарар киин директора Антонова А.В. үлэ түмүгүн, сыалын-соругун сиппитин, инники былааннарын туьунан тыл эттэ.
Тэрээьин түмүгэр Аҕа дойду Улуу сэриитин ветерана Прокопий Афанасьевич Степанов кэнчээри ыччакка туьаайан тыл эппитин бары долгуйан иьиттилэр.
«Кыайыыны салҕааччылар» бырайыак чэрчитинэн «Сүгүрүйүү вахтата» («Вахта памяти») акция улуус оскуолаларыгар ыытыллан оҕолор үлэҕэ актыыбынайдык кыттыбыттара биьиги дойдубутугар патриотизм тыына күүстээҕин көрдөрөр.
Төьө да күннэр-сыллар аасталлар бу сэрии аҕалбыт алдьархайдара көлүөнэттэн көлүөнэҕэ дьон сүрэҕэр сөҥөннөр үйэ-саас тухары өй дуораана буолан саната туруохтара. Ким да умнуллубат, туох да умнуллубат!
Сунтаар улууьун үөрэҕириитин управлениятын информационнай-методическай отдела
