Алтынньы ый 25 күнүгэр- Аан дойдуга оскуола библиотекаларын күнүн көрсө- алтынньы 22 күнүгэр Сунтаар улууһун оскуолаларыгар ааҕыы марафонун тэрээһинэ ыытылынна. Ааҕыы марафона улуустааҕы оскуола библиотекаларын “Ааҕыы аартыга” бырайыагын чэрчитинэн иккис сылын ыытыллар. Уопсайа ааҕыы марафонугар 1023 кыттааччылар кытыннылар: 932 оҕолор, 91 педагогтар. Билигин бүттүүн Россия үрдүнэн ааҕыыга улахан болҕомто ууруллар. Үүнэр көлүөнэ ааҕан элбэҕи билиитэ-российскай общество үгэс буолбут сыаннастарыгар олоҕуран үтүө сиэрдээх-майгылаах личность буолалларыгар, үгүс билиилээх уонна сатабыллаах, аныгы общество усулуобуйатыгар табыгастаах бэйэтин ис кыаҕын толору туһанар, Ийэ дойдутун ытыктыыр дьон үүнэн тахсалларыгар бигэ тирэх буолар.
Үөрэх управлениетын информационнай-методическай отдела
