Олунньу 15 күнүгэр Сунтаардааҕы И.С. Иванов аатынан иккис нүөмэрдээх оскуолаҕа үөрэҕирии салалтатын иитии уонна эбии үөрэхтээһин отдела, “Оҕо саас сирдьиттэрэ”, “Бастыҥнар хамсааһыннара” уонна Л.Попов аатынан Сунтаардааҕы киин бибилэтиэкэ буолан улуустааҕы «БАСХАН– 2024» дьыалабыай оонньууну тэрийэн ыыттылар.
Тэрээһин Саха автономиятын төрүттээччи Степан Максимович Аржаков төрөөбүтэ 125 сылыгар уонна Саха Сиригэр оҕо саас сылыгар ананна.
«Басхан» дойдутугар бэриниилээх эр киһини иитэн таһаарар, өй-санаа өттүнэн сайыннарар, уол оҕо оруолун уопсастыбаҕа үрдэтэр, киэҥ эйгэҕэ таһаарар, билиһиннэрэр сыаллаах ыытыллар. Сунтаар улууһугар бастакытын олус тэрээһиннээхтик ыытылынна.
Күрэскэ 8 нэһилиэктэн уонна Сунтаартан оскуолаларыттан барыта 12 бастыҥтан-бастыҥ, лиидэр уолаттара өйдөрүн-санааларын, билиилэрин- көрүүлэрин тургутан көрдүлэр.
Уолаттарбытын күрэххэ кытталларыгар күүс-уох эбэн, санааларын сааһыланан, ис эйгэлэрин арыйан, киэҥ толкуйдарын көрдөрөн, хомоҕой тыллара аһыллан ситиһиилээхтик кытталларыгар С.А. Зверев-Кыыл Уолун аатынан холбоһуктаах түмэл специалиһа Омуков Николай Александрович алгыс тылынан арчылаата.
Кыттаччылар биэс түһүмэххэ бэйэлэрин тургуттулар. Ол курдук: удьуор утума — бэйэни, төрдүгүн-уускун билиһиннэрии; Дойду салайааччылара мин харахпынан — талбыт салайааччыны сырдатыы; Өркөн өй – чыпчылҕан ыйытыктарга хоруй; Дьыалабыай оонньуу – билиини тургутуу; Айыы умсулҕана – талан ылбыт хоһоон 4 сторокатыгар салҕыы эбэн хоһоону айыы.
Дьүүллүүр сүбэ бэрэсэдээтэлинэн — Борис Михайлович Уларов, Сунтаар улуһун Аҕалар сэбиэттэрин салайааччыта, үлэлээтэ.
Кыттааччы, салайааччы, ыалдьыт эрэ барыта тэрээһин истиҥ эйгэлээҕин, сайдар кэскиллээҕин бэлиэтээтэ. Саха уоланнара бас-көс дьон буолан тахсалларыгар сүдү улахан суолталаах, билиҥҥи кэмҥэ олус наадалаах оонньуу, кыттааччы уолаттар оҕо саастарыгар биир суолталаах үктэл буолла.
Күрэс түмүгүнэн кыайыылаахтар уонна анал аат хаһаайыннара ааттаннылар:
КЫЛААН КЫАЙЫЫЛААХ Горохов Айаан Петрович – Сунтаардааҕы политехническай лицей – интернат 9-с кылааһын үөрэннэччитэ.
I ҮРДЭЛ КЫАЙЫЫЛААҔА Михайлов Григорий Павлович — Г.Е. Бессонов аатынан Тойбохой уопсай үөрэхтээһин орто оскуолатын 11 кылааһын үөрэнээччитэ.
II ҮРДЭЛ КЫАЙЫЫЛААҔА Васильев Елисей Александрович — Сунтар 3-с нүөмэрдээх уопсай үөрэхтэһин орто оскуолатын 10-с кылааһын үөрэнээччитэ.
III ҮРДЭЛ КЫАЙЫЫЛААҔА Иванов Никита-Сандал Иванович – Илимниир оскуолатын 7 -с кылааһын үөрэнээччитэ.
“Киэҥ көрүүлээх Басхан” – Слепцов Сергей Александрович, П.Х. Староватов аатынан Элгээйи уопсай үөрэхтээһин орто оскуолатын 10 «б» кылааһын үөрэнээччитэ
“Удьуор утуму салҕыыр Басхан” – Гоголев Уйгулаан Гаврильевич – А.А. Иванов – Күндэ аатынан Кутана уопсай үөрэхтээһин орто оскуолатын 10 кылааһын үөрэнээччитэ.
“Сайдам санаа Басхана” – Петров Аржун Витальевич, И.С. Иванов аатынан Сунтаар 2-с нүөмэрдээх оскуолатын 9-с кылааһын үөрэнээччитэ.
“Кэскиллээх кыттааччы” – Кузьмин Айтыын Альбертович, Б.Н. Игнатьев аатынан Дьаархан уопсай үөрэхтээҺин орто оскуола-интэринээт 7-с кылааҺын үөрэнээччитэ.
“Өркөн өй Басхана” – Григорьев Роберт Христофорович, Маар-Күөл уопсай үөрэхээһин орто оскуолатын 10-с кылааһын үөрэнээччитэ.
“Тобуллаҕас толкуй Басхана” – Сидоров Яков Арьянович, А.П. Павлов аатынан Сунтаар 1 нүөмэрдээх уопсай үөрэхтээһин орто оскуолатын 10 «в» кылааһын үөрэнээччитэ.
“Хомоҕой тыл Басхана” – Емельянов Ян Александрович, Аллыҥа уопсай үөрэхтээһин орто оскуолатын 10-с кылааһын үөрэнээччитэ.
“Кыайыыга дьулуур” – Тотонов Владимир Николаевич, И.Г. Спиридонов аатынан Кириэстээх политехническэй оскуолатын 8-с кылааһын үөрэнээччитэ.
