Сунтаар
В.Г Павлов аатынан алын сүһүөх оскуолатын учууталлара Лена Петрова, Люция Алексеева, Виктория Тимофеева сэттэ сыл үлэлэһэн айан таһаарбыт «Сайыны туһалаахтык» диэн оҕо
үлэлиир тэтэрээтин сүрэхтэниитэ тэрилиннэ.
Филологическай наука дуоктора, профессор, ХИФУ
фольклорга уонна култуураҕа кафедратын сэбиэдиссэйэ, Саха сирин наукаларын Бочуоттаах диэйэтэлэ, учууталлар Учууталлара Василий Илларионов рецензиялаан, сыралаах үлэлэрин түмүгэ быйыл Ю. Гагарин аатынан өрөспүүбүлүкэ типографитыгар
70 ахсаанынан таҕыста.
Бүгүҥҥү «Сайыны туһалаахтык» тэтэрээт презентациятыгар улуус оскуолаларын алын кылаас учууталлара, улуус үөрэҕириитин сүрүннүүр исписэлииһэ Маргарита Попова истиҥ-иһирэх быһыыга-майгыга
бэйэлэрин санааларын үллэһиннилэр.
Бу чахчы учууталга, төрөппүккэ, үөрэнээччигэ олус туһалаах, дьэрэкээн ойуулардаах, интэриэһинэй сорудахтардаах тэтэрээти биһирээтилэр уонна кэлбит учууталлар тутатына үөрэнээччилэригэр ылан тарҕастылар.
Елена Егорова, элбэх оҕолоох төрөппүт:
— Биһиги улахан кыыспыт Лена Герасимовнаҕа үөрэммитэ. Сайыҥҥы сынньалаҥҥа ити бэлэмнээбит тэтэрээттэриттэн оҕо таптаабыт сорудаҕын кыра-кыра толороро билиитэ хаҥыырыгар, сайын устата үөрэх дьылыгар ылбыт билиитин тургутарыгар аһара туһалаах, үчүгэй этэ. Ааптардарга оҕо туһугар үлэлэрэ мэлдьи ситиһиилээх, түмүктээх буоллун диэн баҕа санаабын тириэрдэбин.
Бу
курдук биһиги учууталларбыт оҕо туһугар, кэнчээри ыччаты иитиигэ-үөрэтиигэ айымньылаах сыһыаннаахтар, үлэҕэ бэриниилээхтэр.
