Быйыл ыам ыйын 29-30 күннэригэр Сочи куоракка “Мин-чинчийээччибин” Россиятааҕы уһуйаан иитиллээччилэрин уонна алын сүһүөх оскуола үөрэнээччилэрин күрэхтэрэ буолан ааста. Бу интэриэһинэй куонкурус автора уонна наукаҕа салайааччыта – психологическай уонна педагогическай үлэ доктора, РАО корреспонденын чилиэнэ, профессор Александр Ильич Савенков. Бастакы маннык күрэх Москваҕа 2005 сыллаахха буолбута. 2007 сылтан Россия 25 регионнарыгар бастыҥнары талар этап ыытыллар.
Сочи куоракка бу күннэргэ 226 кырачаан оҕолор күөн көрүстүлэр. Саха сириттэн чинчийэр уонна айар үлэҕэ ситиһиилээх 13 оҕо кытынна. Олортон Сунтаар улууһуттан Устье нэһилиэгиттэн Сидорова Ая, Элгээйиттэн Никитин Никита, Сунтаартан Васильев Айгылаан. Республикаҕа кыайан-хотон Россияҕа Саха сирин чиэһин көмүскүү барбыттара. Оҕолорбут ситиһиилэрэ бу да сырыыга чаҕылхай буолла.
Ол курдук:
• Секция “Гуманитарная”. • 1 кылаас үөрэнээччитэ — Сидорова Ая “Книжка -помощница” (МБОУ “Устьинская СОШ”,салайааччыта Дудина Татьяна Вячеславовна ) — ЛАУРЕАТ аатын сүктэ;
• 2 кылаас үөрэнээччитэ — Васильев Айгылаан “Детская площадка в национальном стиле” (МБОУ “СНОШ им. В.Г. Павлова”, салайааччыта Михайлова Туйара Дмитрьевна) ЛАУРЕАТ бастыҥ аатын сүктүлэр, маны таһынан Айгылааҥҥа «Лучшее исследование малой Родины” номинация анаатылар;
• Секция “Естествознание: Живая природа” • 4 кылаас үөрэнээччитэ — Никитин Никита (МБУ ДО “ЭРМЭЦ” имени Б.Н. Андреева, салайааччыта Герасимова Сардана Михайловна) 1-кы истиэпэннээх ДИПЛОМАНТ буолла уонна “За необыкновенное умение” номинацияны туттардылар.
Маны таһынан салайааччыларга профессор Александр Ильич Савенков МАХТАЛ сурук туттартаата. Ити курдук быйылгы үөрэх дьылыгар оҕолор уонна учууталлар сыралаах үлэлэрэ үтүө түмүктээх буолла. Кинилэргэ өссө да ситиһиилэр сиэттиһэн кэлэ турдуннар!
