2009 сыллаахтан Санкт-Петербурга Б. Н. Ельцин аатынан Президентскэй библиотека сурун судаарыстыбаннай электроннай хранилище быһыытынан үлэлиир, библиотека фондата сүрүннээн Россия судаарыстыбаннаһын историятыгар, теориятыгар уонна практикатыгар, нуучча тылыгар анаммыт мөлүйүөнтэн тахса архыып докумуоннарын, периодикатын, кинигэлэрин сыыппара копияларыгар, аудио- и видеоустууларга, хаартыскаларга, научнай-сырдатар киинэлэргэ, диссертациялар авторефераттарыгар тирэҕирэр, ону таһынан Россия национальнай статустаах мультимедийнай культурнай-сырдатар, научнай-үөрэтэр уонна информационнай аналитическай киининэн буолар.
2023 с. балаҕан ыйыгар биһиги республикабытыгар Президент библиотекатыгар тэйиччиттэн киирэр кииннэри (Центр удаленного доступа) тэрийии туһунан Ил Дархаммыт Президентскэй библиотеканы кытта сөбүлэҥ түһэрсибитин түмүгэр, республика библиотекаларыгар итинник кииннэр арыллыбыттара. Биһиги улууспутугар А. П. Павлов аатынан Сунтаар 1-кы №-дээх уопсай үөрэхтээһин орто оскуолатын, Сунтаар кииннэммит уонна Элгээйи модельнай библиотекаларыгар эмиэ үлэлээн эрэллэр.
Ааспыт сыл бүтүүтүгэр Ил Дархаммыт Айсен Николаев дьаһалынан Президентскэй библиотекаҕа республикабыт библиотекарьдара баран Тэйиччиттэн киирэр кииннэри үлэлэтэргэ үөрэммиттэрэ. Ол түмүгүнэн, биһиги улуустан ити кууруска үөрэммит А. П. Павлов аатынан Сунтаар 1-кы №-дээх уопсай үөрэхтээһин орто оскуолатын педагог-библиотекара Сивцева Ирина Николаевна олунньу 6 күнүгэр улууспут оскуолаларын педагог-библиотекарьдарыгар «Информационно-образовательный потенциал ресурсов Президентской библиотеки имени Б. Н. Ельцина» диэн семинар-практикуму ыытта. Истээччилэр электроннай библиотека фондаларын кытта билистилэр, цифровой ресурсаларын сэҥээрдилэр, библиотека кыаҕа улаханын, история, нуучча тылын учууталларыгар, БКЭ, СГЭ туттарааччыларга, чинчийэр үлэннэн дьарыктанааччыларга олус туһалаах буолуоҕун инникитин улуус улахан оскуоларыгар маннык кииннэри киллэрии наадалааҕын бэлиэтээтилэр.
Тэйиччиттэн киирэр киин (ЦУД), дойдубут ханнык да муннугар олорорбутуттан тутулуга суох, наадыйар информациябытыгар тэҥ тиксиини хааччыйара билицци кэм сүрүн ирдэбилигэр эппиэттиир.
Ирина Николаевна Сивцева, Сунтаар 1 нүөмэрдээх оскуолатын педагог-библиотекара
