Олунньу 15-18 күннэригэр Дьокуускай куоракка баскетболга уолаттарга уонна кыргыттарга республикаҕа бастыыр иһин күрэхтэһии буолан ааста. Манна хас биирдии категорияҕа 17 хамаанда кытынна. Ыытыллар миэстэнэн — ДЮСШ-1 уонна ДЮСШ-6 «СТЕРХ» спортивнай комплекс буоллулар. Күрэскэ Сунтаар улууһуттан 10 уол, 10 кыыс көхтөөхтүк кытыннылар.
Күрэхтэһии түмүгэр уолаттар 5-с миэстэни ылан, бэйэлэрин кыахтарын көрдөрдүлэр. Кыргыттар кытаанах хапсыһыылары ааһан, 13-с миэстэни кыайа-хото туттулар. Сунтаар улууһа 7-с миэстэҕэ таҕыста. Бу биһиги спортсменнарбыт үрдүк спортивнай таһымнарын уонна бэлэмнэрин көрдөрөр түмүк буолар.
Бары кыттааччылары уонна тренердэри эҕэрдэлиибит. Баскетболга ситиһиилэри баҕаран туран, спортивнай дьоҕуру сайыннарар, сөптөөх усулуобуйаны тэрийэр салалталарга уонна тэрийээччилэргэ махталбытын тиэрдэбит.
