Олунньу 27 күнүгэр Элгээйи “Ёлочка” уһуйааныгар, “Оҕо төрөөбүт төрүт тылын сайыннарыыга сахалыы эйгэни тэрийии” диэн ааттаах улуус эдэр иитээччилэригэр аналлаах улуустааҕы сэминээр буолан аааста. Тэрээһин сүрүн сыалынан оҕону кыра сааһыттан ийэ тылыгар сыһыаран иитии-үөрэтии сүрүн хайысхаларын, ньымаларын билиһиннэрии буолар.
Сэминээр кыттыылаахтара маннык хабааннаах үлэни көрдүлэр-иһиттилэр. Уһуйааҥҥа оҕо тылын сайыннарыыга медийнай эйгэни тэрийии туһунан сэбиэдиссэй Марина Васильевна Харитонова сырдатта Биир кэлим Федеральнай үөрэх бырагыраамматын бэйэбит суруйар чааспыт туһунан уһуйааммыт бырагыраамматын билиһиннэрдилэр иитээччилэр Татаринова Евдокия Егорвна, Алексеева Нюргустана Романовна. Олохтоох мелодист Калиста Афанасьевна Пахомова ырыаларынан “Ырыаһыт ымыылар” ырыа күрэҕин тэрийии туһунан музыка кэрэ эйгэтигэр уһуйааччы Баишева Наталья Ефимовна кэпсээтэ, оҕолорун ыллатта. Олохтоох суруйааччылар ини-бии Аким уонна Ариан Кондратьевтар айымньыларын оҕолорго билиһиннэрии туһунан иитээччилэр Андреева Нина Константиновна, Ефимова Анна Николаевна кэпсээтилэр. “Эбэм сандалыта” диэн оҕону төрүт аска сыһыарыы туһунан бырайыагын иитээччи Сергеева Людмила Борисовна билиһиннэрдэ. Туойунан мэһийэн оҥоруу ньымаларын көрдөрөн “Сахалыы үтүлүк” диэн мастер-кылааһы иитээччи Клара Егоровна Яковлев ыытта. Төрөөбүт төрүт тылынан тылы сайыннарыыга барар үлэни көрдөрөр квест-оонньууну оҕолорго ыыттылар иитээччилэр Татаринова Евдокия Егоровна, Яковлева Клавдия Николаевна.
Бу күн төрөппүт оҕотун кытта дьарыктанарыгар аналлаах интерактивнай тэтэрээт сүрэхтээтилэр иитээччилэр Андреева Татьяна Алексеевна, Сафонова Валерия Егорвна.
Улуус үөрэҕин салаатыттан сэминээргэ Федорова Урсууна Александровна кыттыыны ылла. Сэминээр үлэтэ бэрт сэргэхтик барбытын, элбэҕи сэргээбитин туһунан санаатын эттэ, сүбэлэрин биэрдэ. Түмүккэ сэминээр үлэтигэр кыттыыны ылбыт эдэр иитээччилэр туох сонуну, саҥаны билбиттэрин-көрбүттэрин, инникитин бэйэлэрин үлэлэригэр тугу туһаныахтарын баҕаралларын туһунан санааларын үлэһиннилэр.
